🔸Toshkent xalqaro aeroportining ikkinchi qavatida, jo‘nab ketish zalining VIP va CIP zallari yonida joylashgan kassada endilikda 15 ta aviakompaniya chiptalarini xarid qilish mumkin. Bular, “Uzbekistan Airways”, “Silk Avia”, “Centrum Air”, “Qanot Sharq”, “Air Samarkand”, “Turkish Airlines”, “Asiana Airlines”, “Lot Airlines”, “Belavia”, “Air Astana”, “Aeroflot”, “Ural Airlines”, “S7”, “Red Wings”, “Utair” aviakompaniyalaridir. 

🔸Toshkent aeroportidagi chiptalar kassasi haftasiga yetti kun, 24 soat ishlaydi. 

 (https://t.me/uzbairportsuz/5965)

Turizmni rivojlantirish – kelajak poydevori Davlatimiz rahbarining tashabbuslari bilan Xiva shahrida yangi ulkan “Arda Khiva” turizm kompleksi barpo etildi. Mazkur maskan tarixiy va zamonaviy elementlarni uygʻunlashtirgan yirik turizm markazi boʻlib, shaharda turizmni yangi bosqichga koʻtarishga yoʻnaltirilgan. Shuningdek, “Arda Khiva” loyihasi hududning iqtisodiy oʻsishiga hissa qoʻshib, xalqaro miqyosda turizm sohasidagi hamkorlikni mustahkamlashga xizmat qilishi kutilmoqda. Bu loyihalar nafaqat xorijiy sayyohlarni jalb qilish, balki mahalliy aholining turizmga boʻlgan qiziqishini oshirish, hududlar oʻrtasidagi aloqalarni mustahkamlash va yangi ish oʻrinlarini yaratishga qaratilgan. Davlat rahbarining turizm sohasini rivojlantirishga oid rejalari respublika kelajagi uchun mustahkam poydevor yaratadi.

Ўзбекистон терма жамоаси ҳимоячиси Умарбек Эшмуродов жароҳатидан тузалиб, сафга қайтди.

31 ёшли футболчи бугун Малайзия чемпионати 5-тури доирасидаги "Куала Лумпур"га қарши учрашувни асосий таркибда бошлади ва тўлиқ 90 дақиқа ўтказди. Ушбу баҳсда "қизил иблислар" 1:0 ҳисобида имкониятни бой бериб қўйди. 

Маълумот учун, Эшмуродов "ЖЧ-2026" саралаши доирасидаги Туркманистонга қарши беллашувда жароҳат олганди. 

Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasi qoshidagi “Turizm sohasida standartlashtirish” texnik qo‘mitasi tomonidan “Turizm xizmatlari. Modulli mehmonxonalar. Tasniflash tizimi” milliy standarti ishlab chiqildi. Ushbu standart birinchi bor amalga kiritilmoqda.

Milliy standart modulli mehmonxonalarni tasniflash tizimini belgilaydi.

Modulli mehmonxonalarni toifalar bo‘yicha tasniflash quyidagilarga doir talablar majmuiga asoslangan:

- binolar va unga tutash hudud;

- texnik jihozlar va asbob-uskunalar;

- nomerlarning sanitar-gigiyenik jihozlanganligi;

- nomerlarning texnik jihozlanganligi;

- nomerlarni mebel va inventar bilan jihozlanganligi;

- umumiy foydalanish uchun sanitariya obyektlari;

- jamoat joylari;

- xizmatlar;

- ovqatlanish xizmatlari;

- xodimlar va ularning tayyorgarligiga doir talablar.

Toifalar uchta «I», «II», va «III» toifa bo‘yicha tasniflanadi. Eng yuqori toifa «I» (birinchi), eng past «III» (uchinchi) toifa hisoblanadi.

Mazkur milliy standart 2024-yilning 19-avgustdan joriy etiladi.

2026 yilning 23 fevralidan boshlab O‘zbekiston va Rossiya shaharlarini bog‘lovchi yana bir strategik yo‘nalish — "Toshkent – Sankt-Peterburg – Toshkent" yo‘nalishi bo‘yicha muntazam avtobus reyslari ish boshlaydi.

“Uzautotrans service” korxonasi tomonidan tashkil etilayotgan ushbu qatnovlar ikki mamlakat o‘rtasidagi yo‘lovchi tashish tizimini yanada rivojlantirish va aholi uchun qulay transport imkoniyatlarini yaratishga xizmat qiladi.

Qatnov jadvali va vaqti

Reyslar haftada ikki marta — dushanba va juma kunlari amalga oshiriladi:

• Ilk reys: 23 fevral kuni soat 17:00 da "Toshkent" avtovokzalidan yo‘lga chiqadi.
• Qaytish reyslari: Sankt-Peterburg avtovokzalidan ham haftaning dushanba va juma kunlari mahalliy vaqt bilan soat 17:00 da harakatlanadi.

Yo‘nalish va chipta narxi

Mazkur yo‘nalish bo‘yicha safarga chiquvchi yo‘lovchilar uchun Rossiya poytaxtida ham to‘xtab o‘tish imkoniyati mavjud. Avtobuslar Sankt-Peterburgga yetib borgunga qadar Moskvadagi "Novoyasenevskaya" avtovokzalida oraliq to‘xtashni amalga oshiradi.

Hozirda bir tomonlama chipta narxi 1 200 000 so‘m etib belgilangan.

Ma’lumot uchun: Ushbu yangi yo‘nalish uzoq masofaga qulay va hamyonbop narxlarda sayohat qilishni xohlovchi yo‘lovchilar uchun mo‘ljallangan bo‘lib, zamonaviy avtobuslar barcha xavfsizlik talablariga javob beradi.

Namangan viloyatining Pop tumanida joylashgan Chodak qishlog‘iga “Turizm qishlog‘i” maqomi berildi.

Namangan viloyatining Pop tumanidagi Chodak qishlog‘iga “Turizm qishlog‘i” maqomi berilishi, uning turistik salohiyatini oshirish va mahalliy aholini ish bilan ta’minlashga xizmat qiladi. Hozirgi kunda Chodakda 300 oilaviy mehmon uyi, 4 ta dam olish maskani, 3 ta bolalar oromgohi, 2 ta xostel, 1 ta kemping, 30 ta gastronomik ob’ekt, to‘rtta 300 metr uzunlikdagi osma ko‘prik va 50 metr uzunlikdagi shishali osma ko‘prik mavjud. Shuningdek, sun’iy sharshara va 400 metr uzunlikdagi osma dor yo‘li kabi ekstrimal va ekoturizm ob’ektlari faoliyat yuritmoqda. Buning natijasida 1500 dan ortiq mahalliy aholi ish bilan ta’minlangan.

Tadbirda Turizm qo‘mitasi raisining o‘rinbosari Sardor Niyazov, viloyat hokimining o‘rinbosari Botir Nuritdinov va boshqa jamoatchilik vakillari ishtirok etdi. Tadbir davomida yangi zamonaviy mehmon uyining foydalanishga topshirilishi hamda Prezidentning 2021 yil fevral oyida Namangan viloyatiga tashrifi chog‘ida belgilangan topshiriqlar asosida 257 ta loyiha amalga oshirilayotgani ta’kidlandi.  Shu bilan birga Prezidentimizning 2021 yil fevral oyida Namangan viloyatiga tashrifi chog‘ida belgilagan topshiriqlari asosida O‘zbekiston Respublikasi Vazirlar Mahkamasining 2021 yil 28 apreldagi Chodak qishlog‘ini kompleks ijtimoiy-iqtisodiy rivojlantirish chora-tadbirlariga qaratilgan qaroriga asosan mazkur go‘shada 257 ta loyiha amalga oshirilmoqda.

Ayni kunlarda dunyo mamlakatlari, xalqaro tashkilotlar va ekspertlar nigohi Samarqand shahriga qaratilgan. Boisi, ushbu shaharda 30-oktabr – 13-noyabr kunlari BMTning Ta’lim, fan va madaniyat masalalari bo‘yicha tashkiloti (YUNESKO) Bosh konferensiyasining 43-sessiyasi bo‘lib o‘tmoqda.

E’tiborli jihati shundaki, so‘nggi 40 yilda ilk bor YUNESKO sessiyasi Parijdagi bosh qarorgohdan tashqarida o‘tkazilmoqda. Bunday nufuzli forumning mamlakatimizda o‘tkazilayotgani Tashkilotga a’zo davlatlarning Yangi O‘zbekistonda amalga oshirilayotgan keng ko‘lamli islohotlarga bo‘lgan yuksak ishonchining yorqin ifodasi sanaladi.

Xabar berib o'tganimizdek, kuni kecha mazkur tadbir ishtirokchilaridan iborat bir guruh delegatsiya a'zolari viloyatimizga kelishgan edi. 

Bugun, 2-noyabr kuni UNESCO bosh direktori Odri Azule boshchiligidagi delegatsiya  Buxoroda bo'ldi. Delegatsiya a'zolari viloyat hokimi o'rinbosari Botirjon Shaxriyorov boshchiligida kutib olindi.

Tashrif davomida martabali mehmon ko'hna kent - Buxoroning diqqatga sazovor madaniy meros obyektlari, jumladan, Ismoil Somoniy maqbarasi, Bolo Hovuz masjidi, Mag'oki attori majmuasi, Nodir devonbegi madrasasi, shuningdek, ayni kunlarda davom etayotgan xalqaro Buxoro biyennalesi obyektlarida bo'ldi.

BMTning Ta’lim, fan va madaniyat masalalari bo‘yicha tashkiloti (UNESCO) bosh direktori Odri Azule har bir obida, milliy arxitektura asosida qad rostlagan majmua bilan tanishar ekan,  O‘zbekiston buyuk allomalar yurti ekanini, xalqimiz tarixi va ma’naviyatiga hurmati balandligini ta’kidladi.

Yurtimizda noyabr oyi “Keksalar turizm oyligi” munosabati bilan ushbu oyda keksalarimizning dam olish vaqtlarini maroqli va mazmunli tashkil etish, hududlar bo‘ylab ichki turizm yo‘nalishida sayohatlarga jalb etish maqsadida, bir qator chegirmalar joriy qilindi. Jumladan:

1. Turizm sohasidagi tadbirkorlik subyektlari tomonidan noyabr oyi davomida respublikadagi 179 ta mehmonxona va mehmon uyi (ro‘yxati) xizmatlari uchun 2-33 % gacha hamda 78 ta umumiy ovqatlanish joyidagi (ro‘yxati) xizmatlarga 5-20 % gacha foizgacha ixtiyoriy chegirmalar joriy etildi.

2. Noyabr oyi davomida keksalarning mahalliy yo‘nalishlar bo‘ylab sayohat qilishlari uchun “Uzbekistan Airways” AJ respublika ichidagi yo‘nalishlarda erkin sotuvda mavjud bo‘lgan barcha toifadagi ekonom-klass (LPR3M, UPR3M, SPR3M, OPR3M tashqari) klassdagi tariflaridan 15% chegirma taqdim etilishi ma’lum qilindi. Ushbu chegirma O‘zbekiston Respublikasi fuqarolari uchun 60-yoshdan oshgan erkaklarga va 55-yoshdan oshgan ayollarga taqdim etiladi.

3.  “O‘zbekiston temir yo‘llari” AJ tomonidan nuroniy nafaqaxo‘rlarga (O‘zbekiston Respublikasi fuqarolari 55 yoshdan yuqori ayollar hamda 60 yoshdan yuqori erkaklarga) 1-30 noyabr kunlari barcha mahalliy yo‘nalishdagi poyezdlarning (tezyurar “Afrosiyob” elektro poyezdidan tashqari) temir yo‘l chiptalarining tarif qismidan 20% chegirma bilan ta’minlanishi belgilan. Jamiyat tomonidan ushbu chegirmali chiptalarni onlayn tarzda hamda barcha chiptaxonalarda rasmiylashtirish mumkinligi ma’lum qilingan.

4.  “Uzautotrans Service” MCHJ tomonidan oylik davomida viloyatlarga tashrif buyuruvchi keksalarga hududlararo yo‘nalishlarda qatnovchi avtobus (guruh bo‘lib 51 yo‘lovchini borishi-kelishi) 10 foizgacha chegirma asosida xizmat ko‘rsatish imkoniyati mavjud.

5. Turistik maskanlarga kirishda “Vaqf” xayriya jamoat fondi tasarrufidagi muzey va ziyoratgohlarga (ro‘yxati) noyabr oyi davomida keksalar uchun 50% chegirmalar belgilangan.

6. Madaniy meros agentligi tomonidan ushbu oylik doirasida keksalar sayohati davomida Agentlikka qarashli bo‘lgan 114 ta muzey va galereyalarga (ro‘yxat) kirishi bepul tarzda amalga oshiriladi.

7. Madaniyat vazirligi tomonidan noyabr oyida Respublikadagi teatrlarda namoyish etiladigan spektakllar repertuarlari ro‘yxati e’lon qilindi.

Qoraqalpog‘iston Respublikasi Ellikqal’a tumani “Aqchako‘l” bo‘yida “27-sentabr – Butunjahon turizm kuni” munosabati bilan “Ichki turizm yarmarkasi” bo‘lib o‘tdi.
Yarmarka Qoraqalpog‘iston Respublikasi Turizm boshqarmasi tashabbusi bilan, hududlarning turizm salohiyatini oshirish, mahalliy sayohatchilarni jalb etish, turizm xizmatlari eksportini kengaytirish, mahalliy sayyohlik kompaniyalari o‘rtasida hamkorlik qilish imkoniyatlarini yaratish maqsadida tashkil etildi. 
Ichki turizm yarmarkasida mahalliy turoperatorlar, mehmonxonalar, hostellar, mehmonxonalar va turizm sohasidagi boshqa ekspertlar ishtirok etdi.
Festival davomida badiiy ko‘rgazma, milliy musiqachilarning konserti, muzeylarning sayyor ko‘rgazmalari, ekoturizm taqdimotlari bo‘lib o‘tdi.
Shuningdek, tadbir davomida ishtirokchilarga turizm sohasiga qo‘shgan hissalari uchun minnatdorchilik bildirilib, tashakkurnomalar va qimmatbaho sovg‘alar topshirildi.

Ўзбекистонга хорижий туристларни кенг жалб қилиш, уларга зарур шарт-шароитлар яратиш, туризм хизматларини янада кенгайтириш, шунингдек, республика туризм салоҳиятини хорижий мамлакатларда манзилли тарғиб қилиш бўйича тизимли ишлар амалга оширилмоқда.

Жорий йилнинг 24-25-январ кунлари Ню-Ёрк шаҳридаги “Жаcоб К. Жавитс Cонвентион Cентер” кўргазма марказида бўлиб ўтган Америка Қўшма Штатларининг энг йирик халқаро сайёҳлик кўргазмаларидан бири – “Травел & Адвентуре Шоw 2026”да Ўзбекистон сайёҳлик салоҳияти намойиш этилди.

Туризм қўмитаси томонидан ташкил этилган Ўзбекистон миллий стенди кўргазманинг энг диққатга сазовор ва жозибали жойларидан бирига айланди. Ташриф буюрувчиларга мамлакатимизнинг бой тарихий-маданий мероси, Буюк Ипак йўлининг ноёб ёдгорликлари, анъанавий халқ ҳунармандчилиги, гастрономик ва тадбир туризми, шунингдек, турли тоифадаги саёҳатчиларга мўлжалланган замонавий сайёҳлик йўналишлари намойиш этилди.

Кўргазма АҚШнинг етакчи сайёҳлик агентликлари, авиакомпаниялари, инвестиция тузилмалари ва оммавий ахборот воситалари вакилларини бирлаштирди, бу эса Ўзбекистонга ўзининг сайёҳлик салоҳиятини Американинг кенг оммасига намойиш этиш имконини берди.

Кўргазма доирасида Ўзбекистон “2026-йилги саёҳат учун истиқболли йўналиш” номинатсиясида ҳам ғолиб деб топилди ва бу тегишли сертификат билан тасдиқланди.

2025-йилда Ўзбекистонга АҚШдан 37 мингдан ортиқ сайёҳ ташриф буюрди. АҚШ фуқаролари учун визасиз режимнинг жорий этилиши, шунингдек, мамлакатнинг сайёҳлик салоҳиятини тарғиб қилиш бўйича фаол реклама кампанияси туфайли, америкалик саёҳатчилар оқимининг янада кўпайиши кутилмоқда.

27-sentyabr Butun Jahon Turizm kuni munosabati bilan Farg’onada “Ichki turizm yarmarkasi” o‘tkazildi.

Yarmarkada Farg’ona viloyatida faoliyat olib borayotgan 100 dan ortiq turoperatorlar, turagentlar va joylashtirish vositalari (mehmonxona, hostel va oilaviy mehmon uylari) oliy o‘quv yurtlarining turizm fakulteti talabalari hamda ommaviy axborot vositasi vakillari ishtirok etdilar.

Shuningdek, yarmarka doirasida mahalliy ustalarning milliy hunarmandchilik mahsulotlari va rasmlari ko‘rgazmasi, ichki turizm sohasida yangi hamkorlik loyihalarining taqdimotlari, tadbirkorlar, iste’molchilar va davlat idoralari o‘rtasida B2B va B2C uchrashuvlari tashkil etilib, viloyatning sayyohlik salohiyatini oshirish yo‘llari va tajriba almashish masalalari muhokama qilindi.

Tadbir so‘ngida ichki turizm sohasi vakillariga viloyat turizm boshqarmasining tashakkurnomalari va esdalik sovg‘alari topshirildi.

Samarqand shahar hokimligi hamda Samarqand viloyati Turizm boshqarmasi hamkorligida viloyatda turizm salohiyati yuqori bo‘lgan 5 ta turizm ko‘chasini tashkil etish masalalariga bag‘ishlangan yig‘ilish bo‘lib o‘tdi.

Mazkur yig‘ilishda Samarqand shahar hokimi F. Umarov hamda viloyat Turizm boshqarmasi boshlig’ining o’rinbosari J.Suyunov ishtirok etishdi. Unda Samarqand viloyati Turizm boshqarmasi xodimlari tomonidan rejalashtirilayotgan turizm ko‘chalari bo‘yicha batafsil taqdimot tayyorlanib, namoyish etildi.

Taqdimot davomida yangi turizm ko‘chalarining joylashuvi, ularning infratuzilmasi, tarixiy va madaniy obyektlar bilan uyg‘unligi, shuningdek, mahalliy va xorijiy sayyohlar uchun yaratiladigan qulayliklar haqida atroflicha ma’lumot berildi.

Yangi turizm ko‘chalarining barpo etilishi Samarqandning sayyohlik salohiyatini yanada oshirish, hudud iqtisodiyotini rivojlantirish hamda aholi bandligini ta’minlashga xizmat qilishi ta’kidlandi. Ushbu loyihalar shahar va viloyatning turizm sohasidagi jozibadorligini yanada kuchaytirishi kutilmoqda.

В Самарканде обсуждено вопрос создания 5 новых туристических улиц 

Состоялось совещание, организованное совместно администрацией города Самарканда и областным управлением туризма Самарканда, по вопросу создания 5 туристических улиц с высоким туристическим потенциалом в регионе.

В совещании приняли участие глава администрации города Самарканда Ф. Умаров и заместитель руководителя областного управления туризма Дж. Суюнов. На совещании была подготовлена ​​и показана подробная презентация о планируемых туристических улицах сотрудниками областного управления туризма Самарканда.

В ходе презентации была представлена ​​подробная информация о местоположении новых туристических улиц, их инфраструктуре, их гармонии с историко-культурными объектами, а также об удобствах, созданных для местных и иностранных туристов.

Было отмечено, что строительство новых туристических улиц еще больше повысит туристический потенциал Самарканда, будет способствовать развитию региональной экономики и обеспечит занятость. Ожидается, что эти проекты еще больше повысят привлекательность города и региона в туристическом секторе.

📊  AirlineRatings.com sayti aviakompaniyalarning yangi xavfsizlik reytingini e’lon qildi.

Tarixda birinchi marta Fors ko‘rfazi mamlakatlari aviakompaniyasi - Etihad Airways yetakchiga aylandi.

 Xavfsizlik bo‘yicha TOP-10 (to‘liq xizmat ko‘rsatmoq):

1️⃣ Etihad Airways 🇦🇪 — dunyoda 1-o‘rin, yosh flot va minimal baxtsiz hodisalar darajasi
2️⃣ Cathay Pacific 🇭🇰
3️⃣ Qantas 🇦🇺
4️⃣ Qatar Airways 🇶🇦
5️⃣ Emirates 🇦🇪
6️⃣ Air New Zealand 🇳🇿
7️⃣ Singapore Airlines 🇸🇬
8️⃣ EVA Air 🇹🇼
9️⃣ Virgin Australia 🇦🇺
🔟 Korean Air 🇰🇷

✓ Reyting so‘nggi yillardagi halokatlilik, flotning yoshi va hajmi, uchuvchilarning tayyorgarligi va umumiy operatsion xavfsizlik darajasi asosida tuziladi.

✓ Mutaxassislarning ta’kidlashicha, top-25 talikdagi barcha aviakompaniyalar xavfsizlik bo‘yicha jahon yetakchilari hisoblanadi va birinchi o‘rinlar orasidagi farq minimal darajada.
 

Manba: (https://www.thenationalnews.com/travel/2026/01/13/etihad-airways-safest-airlines-rakings-emirates-qatar/)

Mamlakatimizda turizmni strategik tarmoq sifatida yanada rivojlantirish, “Umra plyus” ziyorat turizmi dasturi orqali sayyohlar oqimini oshirish, ziyorat turizmi infratuzilmasi va xizmatlarini takomillashtirish, shuningdek, O‘zbekiston Respublikasi Prezidentining “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida” 2021-yil 9-fevraldagi PF-6165-son Farmoni ijrosini ta’minlash maqsadida O‘zbekiston Respublikasi Vazirlar Mahkamasining “Umra plyus” ziyorat turizmi dasturini amalga oshirishga qaratilgan qo‘shimcha chora-tadbirlar to‘g‘risidagi qarori qabul qilindi.

Unga ko‘ra, 2026-2027-yillarda Malayziya va Indoneziyadan “ziyorat turizmi” yo‘nalishida sayyohlar oqimini 100 ming nafarga yetkazish bo‘yicha “yo‘l xaritasi” tasdiqlandi.

Qarorda belgilanishicha, 2026-yil yakuniga qadar Turizm qo‘mitasi tomonidan Malayziya va Indoneziyadan “Umra plyus” ziyorat turizmi dasturi asosida sayyohlarni jalb qilayotgan turoperatorlarga har bir sayyoh uchun 100 AQSH dollari miqdorida subsidiya ajratiladi.

Malayziyalik va indoneziyalik sayohatchilarning Ramazon hayiti va Qurbon hayiti bayramlarini O‘zbekistonda o‘tkazishi yuzasidan choralar ko‘riladi. Malayziya va Indoneziyada “Imom Buxoriy izidan” va “Ramazonni O‘zbekistonda o‘tkaz” tematik turizm targ‘iboti kampaniyalari tashkil etiladi. Malayziyaning musulmon aholisi ko‘p bo‘lgan hududlarida ziyorat turizmi bo‘yicha alohida roadshoular tashkil etiladi.

“Umra plyus” ziyorat turizmi dasturi doirasida Toshkent shahri va Samarqand, Buxoro viloyatlaridagi obyektlarni o‘z ichiga olgan turizm marshrutlari ishlab chiqiladi. Madaniy meros agentligi, Toshkent shahri, Samarqand va Buxoro viloyatlari hokimliklari bilan birgalikda dastur ishtirokchilari uchun qish (20-noyabrdan 20-fevralgacha) va yoz fasllarining (iyul oyi) nomavsumiy oylarida madaniy meros obyektlari, mehmonxona, ovqatlanish va boshqa xizmatlar uchun ixtiyoriy chegirmalar joriy etiladi.

Transport vazirligi, Tashqi ishlar vazirligi va Turizm qo‘mitasi bilan birgalikda 2 hafta muddatda dastur uchun mahalliy yoki xorijiy aviakompaniyaning 10 ta aviabortini, shu jumladan ijaraga olish orqali jalb qilishni ta’minlaydi. Shuningdek, Kuala Lumpur—Samarqand—Kuala Lumpur va Kuala Lumpur—Buxoro—Jidda— Kuala Lumpur hamda Jakarta—Samarqand—Jidda—Jakarta va Jakarta—Buxoro—Jidda—Jakarta turistik marshrutlari bo‘ylab aviaqatnovlarni raqobatdosh narxlarda ishlab chiqilishini hamda dasturda ishtirok etuvchi turkompaniyalarga taqdim etilishini ta’minlaydi.

O‘zbekiston Respublikasi Prezidentining 2025-yil 19-noyabrdagi “O‘zbekiston Respublikasi Turizm qo‘mitasi faoliyatini tashkil etish va turizm sohasini jadal rivojlantirish chora-tadbirlari to‘g‘risida”gi PQ–348-sonli qarori tasdiqlandi.

Mazkur qaror turizm infratuzilmasini rivojlantirish, xususan, mehmonxonalar qurilishi va xizmatlar sifatini jahon standartlariga mos ravishda oshirishga qaratilgan.

Qarorga muvofiq, 2030-yil 1-yanvarga qadar “Brand Finance” kompaniyasining top-50 reytingidan joy olgan brendni jalb etgan holda mehmonxona qurilishini boshlagan tadbirkorlik subyektlariga bojxona yengilliklari taqdim etiladi.

Xususan, ushbu brendlar talabi asosida olib kelinadigan:

• asbob-uskunalar,
• texnika va transport vositalari,
• mebellar,
• inventar va jihozlar bojxona bojidan ozod qilinadi.

Bu esa mamlakatimizda ilg‘or xalqaro standartlarga javob beradigan mehmonxonalar sonini ko‘paytirishga xizmat qiladi.

Tadbirkorlik subyektlari Top-50 brendlar ro‘yxatini mustaqil ravishda ko‘rishlari mumkin.

Buning uchun “Brand Finance” tomonidan tayyorlanadigan Top-50 mehmonxona brendlari reytingi bilan quyidagi havola orqali tanishishlari mumkin:

➡️ https://brandirectory.com/rankings/hotels/table

Ushbu ochiq ma’lumot manbai orqali tadbirkorlar qaysi brendlar bilan hamkorlik qilganda taqdim etilgan imtiyozlarda foydalanishlari mumkinligini bilib oladilar.

Manbaa: https://lex.uz/uz/docs/-7851788

2024 yil 22 oktabr kuni Farg‘ona viloyati Turizm boshqarmasida O‘zbekistonning Yaponiyadagi Favqulodda va Muxtor Elchisi Muxsinxo‘ja Abduraxmonov ko‘magida Farg‘ona viloyatiga Yaponiya davlatidan tashrif buyurgan Konuma Toshio boshchiligidagi delegatsiya vakillarining Farg‘ona viloyat hokimining o‘rinbosari X.Axmedov bilan bilan uchrashuvi bo‘lib o‘tdi.

Uchrashuv davomida Yaponiya davlatidan  to‘g‘ri Farg‘ona viloyatiga ziyorat qilish uchun tashrif buyurayotgan sayyohlar uchun yaratilgan shart-sharoitlar bilan yaqindan tanishish hamda ziyorat turizmini hajmini yanada kengaytirish masalalari ko‘rib chiqildi.

O‘zbekiston Respublikasi Prezidenti Shavkat Mirziyoyev 30-oktabr kuni Samarqand shahrida BMTning Ta’lim, fan va madaniyat masalalari bo‘yicha tashkiloti (UNESCO) Bosh konferensiyasi 43-sessiyasining ochilish marosimida ishtirok etdi.

Davlatimiz rahbari anjuman ishtirokchilarini madaniyatlar va sivilizatsiyalar chorrahasida joylashgan mehmondo‘st O‘zbekiston zaminida samimiy qutladi. Serbiya Prezidenti Aleksandr Vuchich, Slovakiya Prezidenti Peter Pellegrini, UNESCO Bosh direktori Odri Azule, xorijiy mamlakatlar hukumatlari rahbarlari, xalqaro va mintaqaviy tashkilotlar vakillariga, barcha delegatsiyalarga konferensiyada ishtirok etayotgani uchun chuqur minnatdorlik bildirdi.

Prezidentimiz so‘zining avvalida bu galgi sessiya so‘nggi 40 yilda birinchi marta UNESCOning Parij shahridagi bosh qarorgohidan tashqarida o‘tkazilayotganini ta’kidladi.

– Bunday nufuzli forumning mamlakatimizda o‘tkazilayotganini Tashkilotga a’zo davlatlarning Yangi O‘zbekistonda amalga oshirilayotgan keng ko‘lamli, jadal islohotlarga bo‘lgan yuksak ishonchining yorqin ifodasi deb qabul qilamiz, – dedi davlatimiz rahbari.

O‘zbekiston yetakchisi tashkilot o‘zining 80 yillik faoliyati davomida ta’lim, fan, madaniyat va axborot sohalarida global hamkorlikni, ishonch va hamjihatlikni mustahkamlashga ko‘maklashadigan nufuzli xalqaro institutga aylanganini qayd etdi.

Shu ma’noda, xalqlarning milliy o‘ziga xosligi, ularning madaniy merosini saqlab qolish, turli dinlar o‘rtasida yaqin muloqotni mustahkamlashda UNESCOning roli ortib borayotgani ta’kidlandi.

– Anjumanimiz insoniyatning tarix solnomasiga gumanistik g‘oyalar, nodir bilimlar, sivilizatsiyalararo muloqot markazi sifatida kirgan Samarqand shahrida o‘tkazilayotganida chuqur ramziy ma’no bor, – dedi mamlakatimiz yetakchisi.

Davlatimiz rahbari ilm-fan, adabiyot va madaniyat beshigi bo‘lgan Samarqandning buyuk merosini yodga oldi. Xususan, Kopernik va Kepler kashfiyotlariga asos bo‘lgan mashhur yulduzlar jadvali yaratilgan Mirzo Ulug‘bek rasadxonasini eslatib o‘tdi. Prezidentimiz mehmonlarni Buyuk ipak yo‘li durdonasi, tinchlik va xalqlar do‘stligi diyori bo‘lgan Samarqand ruhidan bahramand bo‘lishga chorladi.

Geosiyosiy keskinlik va harbiy nizolar noyob yodgorliklar va madaniy merosga ziyon yetkazayotgani, bilim va raqamli texnologiyalardan foydalanishdagi tafovut global tengsizlikni kuchaytirayotgani qayd etildi.

O‘zbekiston rahbari bunday murakkab sharoitda UNESСOning asosiy vazifalarini bajarish uchun birdamlikni mustahkamlash alohida ahamiyat kasb etishini ta’kidladi. O‘zbekiston tashkilotning ezgu maqsadlariga sodiqligini, konstruktiv hamkorlik uchun ochiq maydon sifatida Sharq va G‘arb, Shimol va Janub o‘rtasida ko‘prik bo‘lib xizmat qilishga tayyorligini yana bir bor tasdiqladi.

Bugungi kunda mamlakatimiz UNESCO bilan 2027-yilgacha mo‘ljallangan besh yillik hamkorlik dasturini amalga oshirmoqda. Uning doirasida buyuk mutafakkir va arboblar – Abu Rayhon Beruniy, Ahmad Farg‘oniy, Amir Temur, Ali Qushchi, Kamoliddin Behzod yubileylariga bag‘ishlangan tadbirlar o‘tkazildi, shuningdek, Xorazm Ma’mun akademiyasi kabi ilmiy muassasalar va adabiy yodgorliklar, jumladan, “Alpomish” dostonining tarixiy sanalari keng nishonlandi.

Butunjahon merosi shaharlari – Xiva, Buxoro, Shahrisabz va Samarqandga Zarafshon-Qoraqum yo‘lagi bo‘yidagi yodgorliklar qo‘shildi. G‘arbiy Tyan-shan va Turon cho‘llarining tabiiy hududlari mintaqaning o‘ziga xos bioxilma-xilligini aks ettiradi.

Prezidentimiz O‘zbekistonning yigirmaga yaqin nomoddiy merosi – “Shashmaqom”, Katta ashula, “Lazgi” raqsi, askiya san’ati, miniatyura, Navro‘z bayrami, atlas va adras to‘qish an’analari UNESCO e’tirofiga sazovor bo‘lganini eslatdi. Tashkilot shafeligida "Sharq taronalari", maqom san’ati, baxshichilik, hunarmandchilik va etnosport festivallari o‘tkazib kelinmoqda.

O‘zbekiston tashabbusi bilan ilgari surilgan “Xiva jarayoni: Markaziy Osiyoda xalqaro hamkorlikni rivojlantirish” rezolyutsiyasi, “Kichik yoshdagi bolalarga g‘amxo‘rlik qilish va ta’lim berish bo‘yicha Toshkent deklaratsiyasi” hamda “Axborotdan erkin foydalanish xalqaro kuni munosabati bilan Toshkent deklaratsiyasi” kabi hujjatlarga alohida e’tibor qaratildi.

Mamlakatimizda UNESCOning kafedralari va hamkor maktablari faoliyat yuritmoqda, Toshkent va Farg‘ona shaharlari Ta’lim shaharlari global tarmog‘iga kiritilgan. Shuningdek, yuzlab madaniy meros obyektlari zamonaviy texnologiyalar va xalqaro standartlar asosida restavratsiya qilindi.

Prezidentimiz Samarqand konferensiyasi doirasida qo‘shimcha tadbirlar – Buxoroda zamonaviy san’at biyennalesi, Toshkentda Maktabgacha ta’limni rivojlantirish mintaqaviy markazi ochilishi, Abu Rayhon Beruniy nomidagi UNESCO – O‘zbekiston xalqaro mukofotini topshirish marosimi, muzeylar sohasida sun’iy intellektni qo‘llash masalalari bo‘yicha konferensiya o‘tkazilayotganini ma’lum qildi. Shuningdek, O‘zbekiston oliy ta’lim sohasidagi kvalifikatsiyalarni tan olishga oid Global konvensiyaga qo‘shiladi.

Davlatimiz rahbari UNESCO faoliyatining asosiy yo‘nalishlarini rivojlantirishga qaratilgan tashabbuslarni ilgari surdi.

Inklyuziv ta’limni rivojlantirish va sun’iy intellekt texnologiyalaridan foydalanish ustuvor yo‘nalish ekani ta’kidlandi. Prezidentimiz UNESCOning alohida ehtiyojli bolalar uchun inklyuziv ta’limni rivojlantirish platformasini yaratish va Jahon professional ta’lim sammitini o‘tkazishni taklif qildi. O‘zbekiston UNESCO shafeligida “Sun’iy intellekt – maktab” pilot loyihasini amalga oshirish va Sun’iy intellekt etikasi bo‘yicha xalqaro ekspertlar forumini tashkil etishga tayyor.

O‘zbekiston yetakchisi nomoddiy madaniy merosni asrab-avaylash zarurligini ta’kidladi. Xalq og‘zaki ijodi, qo‘lyozmalar, arxivlar va qimmatli tarixiy hujjatlar, madaniy ma’lumotlar kabi noyob meros obyektlarini muhofaza qilish va ulardan foydalanish imkoniyatini ta’minlash maqsadida ta’sis etilgan UNESCOning “Jahon xotirasi” dasturini rivojlantirishdan manfaatdorlik bildirildi.

19-noyabr sanasini Xalqaro hujjatli meros kuni deb e’lon qilish, shuningdek, UNESCO tuzilmasida Raqamli meros xalqaro institutini tashkil etish tashabbusi ilgari surildi.

Davlatimiz rahbari 2027-yilda Buxoroda UNESCOning ijodiy shaharlar tarmog‘i doirasida Hunarmandchilik va xalq amaliy san’ati bo‘yicha xalqaro kongress o‘tkazishni taklif etdi.

Prezidentimiz gender tenglikni ilgari surish va xotin-qizlarning yetakchilik qobiliyatini rivojlantirish maqsadida UNESCOning Xotin-qizlar yetakchiligi akademiyasini tashkil etish hamda Samarqandda dunyoning barcha qit’alaridan taniqli tadqiqotchilar, san’at namoyandalari, pedagoglar va novatorlar ishtirokida Ta’lim, madaniyat va ilm-fan sohalaridagi xotin-qizlarning global forumini o‘tkazish tashabbusini ilgari surdi.

Iqlim inqiroziga qarshi birgalikda samarali kurashish ham dolzarb masala sifatida qayd etildi.

Davlatimiz rahbari iqlim o‘zgarishi madaniy merosga salbiy ta’sir ko‘rsatayotganini ta’kidlab, “UNESCOning ekologik poytaxti” global tashabbusini ta’sis etish, shuningdek, UNESCO Ijroiya kengashining globallashuv va iqlim o‘zgarishi sharoitida madaniy merosni asrash to‘g‘risidagi rezolyutsiyasini ishlab chiqishni taklif etdi. O‘zbekiston Xiva shahrida shu mavzuda xalqaro simpozium o‘tkazishga tayyorligini bildirdi.

Virtual makonda noto‘g‘ri ma’lumotlar tarqalishiga qarshi kurashish, jamoatchilik fikrini himoya qilish va kamsitishlarga qarshi kurashish ham ustuvor yo‘nalishlar qatorida. Prezidentimiz Bolalar madaniy kontenti xalqaro festivalini o‘tkazish va UNESCOning mediasavodxonlikni rivojlantirish bo‘yicha kompleks strategiyasini ishlab chiqishni taklif etdi.

Davlatimiz rahbari dinlararo hamjihatlikni mustahkamlash, radikalizm va islomofobiyaga qarshi kurashish, islom madaniyati va ma’rifatini butun dunyoda tarannum etish kerakligini ta’kidladi: “Bag‘rikenglik, o‘zaro tushunish va totuvlik kabi umuminsoniy g‘oyalarni keng targ‘ib etish har qachongidan ham muhim”.

O‘zbekistondagi noyob loyihalar – Islom sivilizatsiyasi markazi, Imom Buxoriy, Imom Moturidiy, Imom Termiziy va Bahouddin Naqshband ilmiy-tadqiqot markazlari salohiyatidan faol foydalanish taklif etildi.

O‘zbekiston Prezidenti forum hamkorlikning yangi yo‘nalishlarini belgilash, o‘zaro ishonch va global sheriklikni mustahkamlash, barqaror taraqqiyotni ilgari surishda muhim qadam bo‘lishiga ishonch bildirdi.

– UNESCOning boqiy an’ana va qadriyatlaridan kuch olayotgan “Samarqand ruhi” umumiy taraqqiyot sari yanada birlashishga undaydi, – dedi Shavkat Mirziyoyev.

So‘zining yakunida davlatimiz rahbari anjuman ishtirokchilariga muvaffaqiyat va samarali faoliyat tilab, tadbirning tinchlik, do‘stlik va o‘zaro anglashuv timsoli bo‘lgan Samarqand shahrida o‘tayotgani ramziy ma’noga ega ekanini ta’kidladi.

Bu O‘zbekistonning yuksak xalqaro nufuzi va sivilizatsiyalar muloqotini rivojlantirish, o‘zaro anglashuvni mustahkamlash hamda insoniyat madaniy merosini asrab-avaylashga qo‘shayotgan hissasini tasdiqlaydi.

Ochilish marosimi yakunida O‘zbekiston va xorij san’at ustalari tomonidan tayyorlangan konsert dasturi namoyish etildi. Unda simfonik orkestr, xor jamoasi va milliy ansambl ijrosida o‘zbek mumtoz kuy-qo‘shiqlari va jahon musiqasining sara asarlari zamonaviy talqinda yangradi.

Statistika agentligi ma’lumotlariga ko‘ra, 2024 yilning yanvar-iyul oylarida O‘zbekistonga 12,2 ming nafar Fransiya fuqarolari tashrif buyurgan.
Bu ko‘rsatkich 2023 yilning mos davri bilan solishtirganda 2,9 ming nafarga yoki 31,2% ga oshgan.

Fransiya fuqarolarining safar maqsadlari quyidagicha taqsimlangan:

• Дам олиш — 10 780 нафар
• Xizmat yuzasidan — 662 nafar
• Qarindoshlarni yo‘qlash — 640 nafar
• Tijorat — 43 nafar
• O‘qish — 28 nafar

Farg‘ona-Samarqand-Farg‘ona yo‘nalishida aviaqatnovlar 8-oktabrdan boshlandi. Parvozlar seshanba kunlari quyidagi jadvalga muvofiq amalga oshiriladi:

• Farg‘onadan jo‘nash: 13:00 - Samarqandga yetib kelish: 14:40
• Samarqanddan jo‘nash: 15:20 - Farg‘onaga yetib kelish: 16:40

Bir tomonlama chipta narxi 312,563 so‘mdan boshlanadi.

Shundan so‘ng, kompaniya Qo‘qon-Buxoro-Qo‘qon yo‘nalishi bo‘yicha reyslarni ham boshlaydi. Ular ham seshanba kunlari amalga oshiriladi:

• Qo‘qondan jo‘nash: 11:40 - Buxoroga yetib kelish: 13:30
• Buxorodan jo‘nash: 14:10 - Qo‘qonga yetib kelish: 15:50

Chiptalar narxi 326,771 so‘mdan boshlanadi.

Qo‘qon-Termiz-Qo‘qon yo‘nalishi bo‘yicha reyslar 11-oktabrdan boshlandi va juma kunlari amalga oshiriladi:

• Qo‘qondan jo‘nash: 11:40 - Termizga yetib kelish: 13:40
• Termizdan jo‘nash: 14:20 - Qo‘qonga yetib kelish: 16:05

Chiptalar narxi 355,185 so‘mdan boshlanadi.

Yangi reyslar sayohatchilar uchun qulayliklar yaratadi va mintaqalar o'rtasidagi aloqalarni yanada mustahkamlashga xizmat qiladi.

Aydar-Arnasoy ko‘li atrofida yirik sohil turizm majmuasi va sog‘lomlashtirish markazi qurilgani Arnasoy tumani aholisining daromadi ko‘payishiga katta turtki berdi. 
 
Endilikda Arnasoy aeroportida katta samolyotlarni ham qabul qilish imkonini yaratish zarurligi qayd etildi. Bundan tashqari, Aydar-Arnasoy ko‘ligacha temir yo‘l ham olib kelinadi. 
 
“O‘zbekiston temir yo‘llari”ga Do‘stlik tumanidan ko‘l hududigacha 45 kilometrli yangi temir yo‘l liniyasini qurishni boshlash topshirildi. 
 
Shuningdek, 7 milliard so‘m hisobiga tumandagi Baxtli mahallasining infratuzilmasi yaxshilanib, turizm qishlog‘iga aylantiriladi. Hududga olib boruvchi yo‘l ta’mirlanadi, tungi yoritish chiroqlari va turizm yo‘l belgilari o‘rnatiladi, manzarali daraxtlar ekiladi.

Manbaa: t.me/Press_Secretary_Uz

Ma`lumot uchun: Hududga 594 o‘rinli zamonaviy joylashtirish majmuasi, 200 o‘rinli 2 qavatli sanatoriya, 294 o‘rinli xostel, 4 xil tipdagi 100 o‘rinli 40 ta kapsula, avtokarting, bolalar maydoni hamda 2 ta voleybol maydoni barpo etildi. Natijada dam olish maskanida 20 ta yangi turizm xizmati yo‘lga qo‘yilib, 1000 nafar aholi ish bilan ta’minlanadi.

Shuningdek, sohilda mehmonlar uchun 40 ta tapchan, 200 ta plyaj soyaboni, qayiq va yaxta, kofeteriy, restoran, ochiq basseyn hamda sanitariya-gigiyena shoxobchalari xizmat ko‘rsatadi.

 Yangi turistik markazda har yili 100 ming xorijiy va 500 ming mahalliy turist jalb qilish rejalashtirilgan. Oila va yoshlar uchun “Weekend tour”, “Family rest”, “Youth camp” kabi maxsus turpaketlar joriy qilinadi.

 Ushbu maskanning ishga tushirilishi viloyat turizmi uchun katta qadam bo‘lib, tabiat qo‘ynida dam olish, shovqindan uzoqlashib tetiklanish va yangi taassurotlar olish uchun O‘zbekistonning eng jozibali yangi turizm markazlaridan biriga aylandi.