Buxoro tumanida turizm va xizmat ko‘rsatish sohasini rivojlantirish, aholi uchun zamonaviy dam olish maskanlarini yaratish borasidagi ishlar izchil davom etmoqda. Bu boradagi sa’y-harakatlar O‘zbekiston Respublikasi Prezidentining 2024-yil 12-avgustdagi “Buxoro viloyatida kichik va o‘rta biznesni qo‘llab-quvvatlash, xizmat ko‘rsatish va turizmni rivojlantirishning qo‘shimcha chora-tadbirlari to‘g‘risida”gi qarori ijrosi doirasida amalga oshirilmoqda.

Ushbu tashabbuslar natijasida aholi uchun yangi ish o‘rinlari yaratiladi, mahalliy tadbirkorlik rivojlanadi hamda Buxoro tumanining turizm salohiyati yanada oshadi. Eng muhimi, fuqarolar va mehmonlar uchun zamonaviy, obod va xavfsiz dam olish maskanlari soni ko‘payadi.

Yo‘lovchini monitoring qilish uchun “Pax Track” tizimi Toshkent aeroportida ishga tushirildi

Tizim qanday ishlaydi: Ro'yxatdan o'tish joyidan so'ng yo'lovchilar turniketlarda bord kartasini skanerlashlari, aeroport xodimlari esa o'z ruxsatnomalarini skanerlashlari kerak bo'ladi. Chegara nazorati va aviatsiya xavfsizligi tekshiruv xizmatlari ham tizim bilan integratsiyalashadi, bu orqali kechikayotgan yo‘lovchini bortga chaqirishda aeroport xodimlari tizimdan uning qaysi sektorda ekanligini va ro‘yxatdan o‘tgandan keyin “steril” zonaga kirganligini bilish imkoniyatiga ega bo‘ladi.

Hozirgi kunda uchib ketish zalida 40 ta ro‘yxatga olish peshtaxtasi mavjud (37 ta umumiy zalda, 2 ta CIP zalida va 1 ta VIP zalida). Rekonstruksiya tugagach, ro‘yxatga olish peshtaxtalari soni 90 taga yetadi, jumladan 12 ta gibrid Self Check-in va Baggage Drop Off nuqtalari bo‘ladi, ular orqali yo‘lovchilar mustaqil ravishda reyslarga ro‘yxatdan o‘tishlari va bagajni topshirishlari mumkin bo‘ladi.

Chegara nazorati punktlari soni uchib ketish hududida 34 tadan 54 taga, shu jumladan E-gate nuqtalari bilan kengaytiriladi. Tekshiruv hududi 15 ta yo'lakka kengaytiriladi. Shuningdek, uchib kelish zalida 48 yo‘lovchi o‘tish kanaliga ega yangi pasport nazorati zonasi tashkil etiladi, bagaj olish kamarlari soni to‘rtadan sakkiztaga oshiriladi.

Uchib ketish va kelish zallarini birlashtirish orqali kutib oluvchilar uchun 4000 kv.m.ga yaqin maydon ajratish rejalashtirilgan. Реконструкция системы обработки багажа (BHS) ва BRS (Система сверки багажа) yuklarni tashish va nazorat kilish tizimlarini joriy etish rejalashtirilgan. Yangi uskunalar va dasturiy ta'minot o‘rnatilishi bagajni parvozlar bo‘yicha avtomatik tarzda saralash, bagajni tashishga qabul qilingan va bortga ortilgan paytgacha kuzatish imkonini beradi. Shuningdek, bagaj yorlig‘i raqami orqali yukni kuzatish imkoniyatini beruvchi mobil ilova ishlab chiqish rejalashtirilgan.
Bu yangi terminalning o‘tkazish qobiliyatini soatiga 1200 yo‘lovchidan 2400 taga oshirishga yordam beradi.

O‘zbekiston Respublikasi Prezidenti Shavkat Mirziyoyev raisligida 15-yanvar kuni Tashqi ishlar vazirligi hamda xorijdagi diplomatik vakolatxonalar faoliyati masalalariga bag‘ishlangan videoselektor yig‘ilishi bo‘lib o‘tdi. Unda Davlatimiz rahbari tomonidan tashqi siyosat faoliyatini yanada takomillashtirish, xorijdagi elchixonalar va diplomatik missiyalarning mamlakat iqtisodiyoti, xususan, turizm sohasi rivojiga xizmat qiluvchi samarali mexanizmlarini joriy etish yuzasidan Turizm qo‘mitasi oldiga qo‘yilgan qator muhim vazifalar belgilab berildi.

O‘zbekiston Respublikasi Turizm qo‘mitasi raisi A.Aqqulov tomonidan mamlakatimizning xorijdagi diplomatik vakolatxonalar rahbarlari ishtirokida Davlatimiz rahbari tomonidan turizm sohasi oldida qo‘yilgan vazifalarni samarali va to‘liq amalga oshirish yuzasidan taqdimot o‘tkazildi va fikrlar almashildi.

Shuningdek, Turizm qo‘mitasi va xorijdagi diplomatik vakolatxonalar o‘rtasida turizm salohiyatini oshirish bo‘yicha hamkorlikni mustahkamlash, xalqaro turizm ko‘rgazmalari va yarmarkalarda O‘zbekiston brendini ilgari surish, turistik marshrutlar va xizmatlar sifatini oshirish bo‘yicha aniq choralar belgilandi.

Tadbir davomida elchilar mamlakatimizning tarixiy, madaniy va tabiiy boyliklarini targ‘ib qilishda innovatsion usullarni joriy etish, xorijiy investorlar va tur operatorlari bilan bevosita muloqotlar o‘rnatish zarurligini ta’kidladilar. Shu bilan birga, turizm infratuzilmasini rivojlantirish, mehmonxona va transport xizmatlarini yaxshilash hamda xorijiy sayyohlar uchun qulay sharoitlar yaratish bo‘yicha tavsiyalar bildirildi.

Yig‘ilish yakunida barcha ishtirokchilar turizm sohasidagi vazifalarni amalga oshirishda tizimli va uzviy ish olib borishga, hamkorlik va tajriba almashish orqali O‘zbekistonni xalqaro turizm xaritasida yanada raqobatbardosh va jozibali mamlakat sifatida tanitishga qaratilgin barcha sa’y-harakatlarni izchil amalga oshirishga kelishib oldilar.

Manbaa: https://gov.uz/ru/uzbektourism/news/view/121268

ISO 21621:2025 (ISO 21621:2021, IDT) xalqaro standarti "Turizm va unga bog'liq xizmatlar. An'anaviy restoranlar. Vizual jihatlar, dekor va xizmatlar" tasdiqlandi va ro'yxatdan o'tkazildi.

Ushbu standart O'zbekiston Standartlar Instituti tomonidan Turizm qo'mitasi qoshidagi STQ 9 "Turizmda standartlashtirish bo'yicha texnik qo'mita" bilan hamkorlikda ishlab chiqilgan.

Ushbu hujjat ma'lum bir mamlakat yoki mintaqaning o'ziga xos oshxonasi va urf-odatlariga rioya qiladigan an'anaviy restoranlarda atrof-muhit va xizmat ko'rsatishga oid talablar va tavsiyalarni belgilaydi.

Standart an'anaviy restoran binosi, mebellari va dekorasi, oshpazlik madaniyati va ovqatlanish odatlari, xizmat ko'rsatish va xodimlar bilan bog'liq elementlar uchun talablar va tavsiyalarni belgilaydi. Standartning A ilovasida turli mamlakatlar oshxonalari namunalari keltirilgan.

Standart joriy yilning 23-noyabridan kuchga kiradi.

• 1-taom

• Manti

  

  Manti - bu turkiy va musulmon xalqlari oshxonalarida mashhur bo‘lgan klassik taom: Kavkaz, Turkiya, Mo‘g‘uliston, O‘zbekiston va hatto Xitoy va Koreyada. Rossiyada va postsovet hududida manti sobiq Sovet Ittifoqi Markaziy Osiyo respublikalaridan kelgan juda mashhur taomdir. Taomning kelib chiqishi hali nomaʼlum. Ko‘pgina faktlar, shu jumladan etimologik dalillar, ushbu retsept Xitoyda paydo bo‘lganligini va Buyuk Ipak yo‘li bo‘ylab yana-da keng tarqalganligini ko‘rsatadi. Anʼanaga ko‘ra manti manti pishirgichi, manti pishiruvchisi, manti qozon yoki manti-kaskan deb nomlangan maxsus moslamada pishiriladi. Manti qozon odatda ko‘p qavatli. Suv pastki kameraga quyiladi va yuqori bo‘linmalarda bug‘ oqadigan teshiklar mavjud (lappaylar) bo‘lib, ular ovqat pishirishga imkon beradi. Manti qozonda bir vaqtning o‘zida 40 yoki undan ortiq manti pishirish mumkin. Mantining masalliqlariga qarab kòk manti , goʻshtli manti, qovoqli manti ,yalpiz manti va kartoshkali manti kabi turlari bor.

• 2-taom

• Kesma lagʻmon

  

  Ushbu lag‘mon haqiqiy o‘zbek pazandaligiga xos bo‘lib, juda qadim davrlarda kelib chiqqan. G‘oyat to‘q tutar va serlazzat bo‘lib, mehmon dasturxoniga qo‘ysa arzigulik taom. Yilning to‘rtala faslida ham tayyorlasa bo‘ladi. Bunday lag‘mon Farg‘ona vodiysida ko‘proq tayyorlanadi. Kesma lag‘monning tayyorlanishi quyidagicha: xamirni xuddi chuchvaraga tayyorlagandek qilib qoriladi, tindirib, so‘ng o‘qlov yordamida 2-3 mm qilib yoyiladi. Yoymani taxlab eni 4-5 mm keladigan uzun-uzun tasmalar kesiladi, bir-biriga yopishib ketmasligi uchun urvoqqa belanadi. Shunday kesilgan ugrani qaynab turgan tuzli suvga solib pishiriladi, yuziga qalqib chiqqanda chovlida suzib olib sovuq suvda 2-3 bor chayqab yuborilgandan so‘ng sirqitib qo‘yiladi. Qaylasi bunday tayyorlanadi: piyozni halqa-halka, go‘shtni bodom kattaligida lo‘nda-lo‘nda qilib, pomidorni tilik-tilik, kartoshkani o‘rtacha (1,5 X 1,5 X 1,5 sm), turpni kichik (0,5 X 0,5 X 0,5 sm) kubik shaklda to‘g‘raladi, karam, chuchuk garmdori va sarimsoqni mayda chopiladi. Qozonda yog‘ni dog‘lab piyoz tashlanadi, uncha qizarmasdan turib go‘shtni solinadi, seli chiqa boshlaganda sarimsoq bilan pomidorni solib to pomidor ezilib seli chiqkuncha jazlanadi. Qishda pomidor o‘rniga tomat ishlatish mumkin. So‘ngra turp, chuchuk garmdori va karamni solib, kovlab chala pishguncha qovuriladi-da, biroz suv quyib sust olovda miltiratib, barcha masalliq to‘la yumshaguncha qaynatiladi. Agar suvi bug‘lanib ketsa, har bir masalliq to‘la yumshaguncha qaynatiladi. Agar suvi bo‘g‘lanib ketsa, bir oz issiq suv qo‘shiladi. Tuzini rostlab qalampir sepiladi. Qayla juda ham suyuq yoki o‘ta quyuq bo‘lmay, o‘rtacha bo‘lishiga e’tibor berish lozim. Dasturxonga tortishda tayyor ugrani qaynoq suvga pishib, ilitib olgach, laganga bir qavat qilib solinadi, ikkinchi qavatiga qayladan solinadi, ustidan uchinchi qavat yana ugra solib tepasi — to‘rtinchi qavatiga yana qayla solinadi, chopilgan oshko‘klardan sepib keltiriladi.

• Desert

• Yupqa

  

  Yupqa — xamir, goʻsht va piyozdan tayyorlanadigan taom. Goʻshtni goʻsht qiymalagichdan oʻtkazib, mayda toʻgʻralgan piyoz, murch bilan aralashtiriladi va qovurib olib qoʻyiladi. Xamirdan 30 g li zuvalachalar yasalib, yupqa qilib yoyiladi. Qizigan qozonga yarim qoshiq yogʻ surtib, yoyilgan xamirlardan biri ikkala tomonidan yaxshilab singitib pishiriladi. Soʻngra qozonga ikkinchi Yu.ni solib pishiriladi va qozonda qoldirilib, betiga tayyor qiymadan bir tekis solinib, ustiga birinchi pishirilgani yopiladi. Buning betiga ham qiymadan solib yana navbatdagi yoyilgan xamir yopiladi va pishirish uchun agʻdariladi. Qavatlar so

Jizzax viloyati turizm salohiyatini rivojlantirish, mahalliy va xorijiy turistlar sonini yanada oshirish hamda turizm sohasida faoliyat yuritayotgan tadbirkorlik subyektlari uchun qo‘shimcha sharoitlar yaratish maqsadida Sharof Rashidov tumanida yangi yirik turistik kompleks “Rancho Tour” foydalanishga topshirildi.
 

Joriy yilda mazkur maskanda keng ko‘lamli qurilish va obodonlashtirish ishlari olib borilib, aholi uchun qulay dam olish hududiga aylantirildi. Xususan, turistik maskanga olib boruvchi yo‘llar asfaltlandi, 131 gektar foydalanilmay turgan lalmi va tog‘ adirlik yerlari ko‘kalamzorlashtirildi, 50 gektar maydonda 30 dan ortiq turdagi manzarali va mevali bog‘lar barpo etildi.

1 gektar maydonda baliq ovlash uchun maxsus hudud, hayvonot bog‘i, zamonaviy 4 bosqichli ziplayn hamda uning yakuniy nuqtasiga o‘rnatilgan umumiy ovqatlanish va xizmat ko‘rsatish shoxobchalari tashkil etildi.

Yoshlar va ekstremal sport ishqibozlari uchun qoyatoshga chiqish yo‘laklari, Jizzax shahri manzarasini yuqoridan tomosha qilish imkonini beruvchi havo sharida sayr, shuningdek, 2,5 km masofada kvadrosiklda sayohat qilish xizmatlari yo‘lga qo‘yildi.

Ta’kidlash joizki so‘nggi yillarda Jizzax viloyatida turizm sohasi iqtisodiyotning asosiy drayverlaridan biriga aylanib bormoqda. Joriy yilda viloyatga 472 ming nafar xorijiy, 1,6 million mahalliy sayyoh tashrif buyurdi. Turizm xizmatlari eksporti 70 million dollarga yetdi.

Shu bilan birga, joriy yilda jami 49 ta, 1274 o‘rinli joylashtirish maskanlari foydalanishga topshirildi, 500 dan ortiq yangi ish o‘rinlari yaratildi. Bugungi kunda viloyatda mehmonxona, xostel, kemping va oilaviy mehmon uylari soni 312 taga, joylar soni esa 7657 taga yetdi.

🏢 Statistika agentligi ma’lumotlariga ko‘ra, 2024 yilning

yanvar-oktabr oylarida qariyb 6,5 mln nafar chet el fuqarolari turistik maqsadlarda O‘zbekiston Respublikasiga tashrif buyurgan.

✅ Bu ko‘rsatkich o‘tgan yilning mos davri bilan solishtirilganda 951,3 ming nafarga yoki 17,2 % ga oshgan.

✅ Joriy yilning yanvar-oktabr oylarida O‘zbekiston Respublikasiga turistik maqsadlarda kelgan chet el fuqarolari mamlakatlar bo‘yicha quyidagicha taqsimlangan:

Tojikiston – 1 878,5 ming nafar;

Qirg‘iz Respublikasi – 1 870,3 ming nafar;

Qozog‘iston – 1 267,5 ming nafar;

Rossiya – 686,7 ming nafar;

Turkmaniston – 145,0 ming nafar;

Turkiya – 95,7 ming nafar;

Xitoy – 57,7 ming nafar;

Hindiston – 55,9 ming nafar;

Janubiy Koreya – 36,5 ming nafar;

Italiya – 36,3 ming nafar;

boshqa davlatlar – 366,6 ming nafar.

Hurmatli delegatsiyalar rahbarlari!

Avvalambor, Rossiya Federatsiyasi Prezidenti hurmatli Vladimir Vladimirovich Putinga mehmondoʻstlik va bugungi uchrashuvimizni aʼlo darajada tashkil etgani uchun bildirilgan minnatdorlik soʻzlariga qoʻshilaman.

Belarus tomonining, Belarus Respublikasi Prezidenti Aleksandr Grigoryevich Lukashenkoning Yevroosiyo iqtisodiy ittifoqiga samarali raisligini alohida qayd etmoqchiman. Bu davrda koʻp tomonlama amaliy hamkorlik yangi surʼat kasb etdi.

Global bozorlarning tobora parchalanib borayotgani, logistika zanjirlarining murakkablashayotgani va investitsiya resurslarini taqsimlashda ustuvor yoʻnalishlarning oʻzgarayotgani sharoitida biz uchun strategik va tabiiy sheriklarimiz boʻlgan Yevroosiyo iqtisodiy ittifoqi mamlakatlari bilan pragmatik va oʻzaro manfaatli hamkorlikni chuqurlashtirish prinsipial ahamiyat kasb etmoqda.

Hurmatli yig‘ilish ishtirokchilari!

Kuzatuvchi davlat maqomidagi hamkorlikning soʻnggi toʻrt yilida Oʻzbekistonning YOII mamlakatlari bilan tashqi savdo aylanmasi qariyb ikki barobar oshdi.

Iqtisodiy aloqalar tarkibida yuqori qoʻshilgan qiymatli mahsulotlar ulushi ortib borayotgani, kooperatsiya loyihalari kengayib borayotgani barqaror surʼat koʻrsatayotgani ayniqsa muhimdir.

Bu hamkorlarimiz ishlab chiqarish zanjirlarini mustahkamlashdan chinakam manfaatdorligini aks ettiradi.

Oʻzbekiston Yevroosiyoning asosiy formatlarida faol ishtirok etmoqda.

Yevroosiyo iqtisodiy komissiyasi bilan savdo, sanoat, moliya, agrar sanoat va transport sohalarida 40 ga yaqin aniq tadbirlarni oʻz ichiga olgan uch yillik reja amalga oshirilmoqda.

Qoʻshma Ishchi guruh formatidagi ishlar davom etmoqda: uning beshinchi yigʻilishini kelgusi yilda Toshkent shahrida oʻtkazishni rejalashtirmoqdamiz.

Shuningdek, YOIIning elektron savdoni rivojlantirish, yuk tashishni raqamlashtirish va iqlim oʻzgarishiga qarshi kurashish boʻyicha tarmoq dasturlarida ishtirok etmoqdamiz.

Oʻzbekiston va YOII bojxona chegaralari orqali olib oʻtiladigan tovarlar va transport vositalari toʻgʻrisida axborot almashish toʻgʻrisida bitim tuzish boʻyicha muzokaralarni boshlash haqidagi qaror qabul qilinganini olqishlaymiz.

Ishonchimiz komilki, transchegaraviy maʼlumotlar almashinuvi bojxona nazorati samaradorligini oshirish, kechikishlarni kamaytirish va transport tizimlarimizning Yevroosiyo yoʻlaklariga integratsiyalashga xizmat qiladi.

Oʻzbekistonning Yevroosiyo taraqqiyot bankiga qoʻshilishi hamkorlikni mustahkamlashda muhim bosqich boʻldi. Bank bilan birgalikda infratuzilma, energetika, metallurgiya, kimyo va boshqa tarmoqlarda istiqbolli loyihalar portfeli shakllantirildi.

Hurmatli hamkasblar!

YOII bilan hamkorlikni kengaytirish borasidagi ustuvor yoʻnalishlarimizni qisqacha aytib oʻtmoqchiman.

Birinchi. Savdo toʻsiqlarini bosqichma-bosqich bartaraf etish asosiy vazifa boʻlib qolmoqda.

Texnik jihatdan tartibga solish, sanitariya va fitosanitariya meʼyorlari borasidagi yondashuvlarni yaqinlashtirish maqsadida MDH va YOII institutlari oʻrtasidagi muvofiqlashtirishni faollashtirish zarur deb hisoblaymiz.

Ortiqcha tartib-taomillarni bartaraf etish va talablarni birxillashtirish boʻyicha “yoʻl xaritasi”ni ishlab chiqish maqsadga muvofiq.

Texnik jihatdan tartibga solish, sertifikatlash va bojxona maʼmuriyatchiligidagi tafovutlar bilan bogʻliq masalalarni tezkor hal etish maqsadida tarif va notarif toʻsiqlar boʻyicha “Oʻzbekiston – YOII” qoʻshma muvofiqlashtiruvchi guruhini tuzishni taklif etamiz.

Ikkinchi. Sanoat kooperatsiyasini rivojlantirishga alohida eʼtibor qaratmoqdamiz.

Mashinasozlik, energetika, agrosanoat majmui, kimyo va boshqa tarmoqlardagi loyihalar roʻyxatini birgalikda shakllantirish zarur.

Oʻzbekistonning YTTBga qoʻshilishi munosabati bilan sheriklikning strategik yoʻnalishlarini birgalikda belgilab olish hamda ustuvor infratuzilmaviy va “yashil” loyihalarni, kichik va oʻrta biznesni qoʻllab-quvvatlashni qamrab olgan “yoʻl xaritasi”ni ishlab chiqish maqsadga muvofiqdir.

Ishonchimiz komilki, Bank nafaqat moliyalashtirish manbai, balki integratsiya loyihalariga investitsiyalarni jalb qilish katalizatoriga aylanishi mumkin.

Uchinchi. Raqamli texnologiyalar sohasidagi hamkorlikni kuchaytirish niyatidamiz.

Raqamli platformalarni, jumladan, elektron tijorat va raqamli markirovkalashni oʻzaro bogʻlash boʻyicha YOIK bilan “yoʻl xaritasi”ni tayyorlashni taklif etamiz.

Bojxona maʼmuriyatchiligini raqamlashtirish va yuk tashishning “choksiz” modeliga oʻtishni ham ustuvor vazifa sifatida koʻryapmiz.

Toʻrtinchi. Biz YOIIning biotibbiyot, yangi materiallar, agrotexnologiyalar, energetika va robototexnika kabi yoʻnalishlarni qamrab oluvchi texnologik platformalariga qoʻshilishdan manfaatdormiz.

Beshinchi. Turizm sohasida integratsiyalashgan axborot resursini shakllantirishga ham qoʻshilishga tayyormiz.

Bunday yondashuv mamlakatlarimiz turistik mahsulotlarining oʻzaro bogʻliqligini taʼminlash imkonini beradi.

Hurmatli doʻstlar!

Oʻzbekiston YOII bilan amaliy hamkorlikni yanada kengaytirish tarafdoridir.

Fursatdan foydalanib, Qozogʻiston Respublikasi Prezidenti hurmatli Qasim-Jomart Kemelevich Toqayevga Birlashmaga raislik Qozogʻistonga oʻtishi munosabati bilan muvaffaqiyatlar tilayman.

Barchangizni va birodar xalqlarimizni kirib kelayotgan Yangi yil bilan yana bir bor samimiy tabriklab, tinchlik-osoyishtalik, farovonlik va ravnaq tilayman.

Eʼtiboringiz uchun rahmat.

Manba: https://president.uz/oz/lists/view/8822

Andijonda “Ichki turizm yarmarkasi” o‘tkazildi

Yarmarkada Andijonda va qo’shni viloyatlarda faoliyat olib borayotgan 60 dan ortiq turoperatorlar, turagentlar va joylashtirish vositalari (mehmonxona, hostel va oilaviy mehmon uylari) vakillari ishtirok etdilar.
Yarmarka davomida viloyatda turizm sohasida yangiliklar, soxaviy o‘zgarishlar va yangi turmarshrutlar taqdimotlari o‘tkazildi.

“Konigil-2” turizm maskani va Siyob arig‘i bo‘ylab barpo etilgan yangi ko‘ngilochar va dam olish maskanining ochilish marosimiga taklif etamiz. 
🎉🎉🎉Tantanali ruhda bo‘lib o‘tuvchi tadbir davomida siz Siyob arig‘i bo‘ylab tashkil etiladigan xalq saylida ishtirok etishingiz, milliy xalq o‘yinlari, folklor san’ati tomoshalari va konsert dasturlaridan zavq olib, milliy va dunyo oshxonasi namunalaridan bahramand bo‘lishingiz mumkin. Shu bilan birgalikda, tadbir doirasida hunarmandchilik va milliy taomlar yo‘nalishlaridagi master-klasslarda ham qatnashishingiz mumkin. 

✔️Tadbirda ishtirok etish mutlaqo BEPUL!!!
📍Tadbirlar bo‘lib o‘tadigan hududga kirish M-39 magistral yo‘li  (https://maps.google.com/maps?q=39.660808,67.043946&ll=39.660808,67.043946&z=16)bo‘yida.

Oʻtgan qisqa davr mobaynida Konigil qishlog‘ini kengaytirish ishlari amalga oshirilib, uzunligi 2,5 kilometr bo‘lgan veloyo‘laklar va 3,5 kilometr piyodalar yo‘lagi hamda mehmon uylari va hunarmandchilik markazlari, milliy oshxonalar va boshqa turizm obyektlari foydalanishga topshirildi.
Samarqand shahridan oqib o‘tgan Obi Rahmat, Siyob ariqlarning atrofini tozalash, obodonlashtirish va ko‘kalamzorlashtirish ishlari amalga oshirildi. 
Maʼlumot uchun, Samarqand shahri hamda Samarqand tumani hududidan oqib o’tuvchi “Siyobcha" kanali Samarqand tumanining Konigil, Qo’shtamg’ali, Jo’nisoy, Qoziaroq, O’zbekkenti va Yangiravot hamda Samarqand shahrining Galaosiyo, Xo’ja Doniyor, Obi Raxmat, Bog’imaydon, G’iyosiddin jamshid, Motrid, Yoshlik, Humo, Baxtli xayot, Matonat va Xalqobod mahallalaridan o’tgan.
 Loyiha qamrab olingan hudud 22 gektar maydonni egallaydi, umumiy qiymati esa 45 mlrd. so’mni tashkil qiladi. Bugungi kunga kelib kanalning jami 11 km qismi obodonlashtirilgan boʻlib, shundan Samarqand tumani hududida 3.5 km, Samarqand shahri hududida 7.5 km maydonni o’z ichiga oladi.

 Xatirchi tumani hokimi Umidjon Adizov "Sohil bo‘yi" dam olish maskanida bo‘lib, qurilish va obodonlashtirish jarayonlari bilan yaqindan tanishdi.

Tashrif davomida hokim amalga oshirilayotgan ishlar sifati, loyiha bosqichlari va infratuzilma imkoniyatlari bo‘yicha mas’ullardan ma’lumot oldi hamda mutasaddilarga tegishli tavsiyalar berdi.

"Sohil bo‘yi" dam olish maskani — tumanning turizm salohiyatini oshirish, infratuzilmasini yaxshilash hamda aholining mazmunli hordiq chiqarishi uchun mo‘ljallangan muhim loyiha hisoblanadi.

Mamlakatimizda noyabr oyi “Keksalar turizm oyligi” munosabati bilan chegirmalar

Yurtimizda noyabr oyi “Keksalar turizm oyligi” munosabati bilan ushbu oyda keksalarimizning dam olish vaqtlarini maroqli va mazmunli tashkil etish, hududlar bo‘ylab ichki turizm yo‘nalishida sayohatlarga jalb etish maqsadida, bir qator chegirmalar joriy qilindi. Jumladan:

1. Turizm sohasidagi tadbirkorlik subyektlari tomonidan noyabr oyi davomida respublikadagi 179 ta mehmonxona va mehmon uyi (ro‘yxati) xizmatlari uchun 2-33 % gacha hamda 78 ta umumiy ovqatlanish joyidagi (ro‘yxati) xizmatlarga 5-20 % gacha foizgacha ixtiyoriy chegirmalar joriy etildi.

2. Noyabr oyi davomida keksalarning mahalliy yo‘nalishlar bo‘ylab sayohat qilishlari uchun “Uzbekistan Airways” AJ respublika ichidagi yo‘nalishlarda erkin sotuvda mavjud bo‘lgan barcha toifadagi ekonom-klass (LPR3M, UPR3M, SPR3M, OPR3M tashqari) klassdagi tariflaridan 15% chegirma taqdim etilishi ma’lum qilindi. Ushbu chegirma O‘zbekiston Respublikasi fuqarolari uchun 60-yoshdan oshgan erkaklarga va 55-yoshdan oshgan ayollarga taqdim etiladi.

3.  “O‘zbekiston temir yo‘llari” AJ tomonidan nuroniy nafaqaxo‘rlarga (O‘zbekiston Respublikasi fuqarolari 55 yoshdan yuqori ayollar hamda 60 yoshdan yuqori erkaklarga) 1-30 noyabr kunlari barcha mahalliy yo‘nalishdagi poyezdlarning (tezyurar “Afrosiyob” elektro poyezdidan tashqari) temir yo‘l chiptalarining tarif qismidan 20% chegirma bilan ta’minlanishi belgilan. Jamiyat tomonidan ushbu chegirmali chiptalarni onlayn tarzda hamda barcha chiptaxonalarda rasmiylashtirish mumkinligi ma’lum qilingan.

4.  “Uzautotrans Service” MCHJ tomonidan oylik davomida viloyatlarga tashrif buyuruvchi keksalarga hududlararo yo‘nalishlarda qatnovchi avtobus (guruh bo‘lib 51 yo‘lovchini borishi-kelishi) 10 foizgacha chegirma asosida xizmat ko‘rsatish imkoniyati mavjud.

5. Turistik maskanlarga kirishda “Vaqf” xayriya jamoat fondi tasarrufidagi muzey va ziyoratgohlarga (ro‘yxati) noyabr oyi davomida keksalar uchun 50% chegirmalar belgilangan.

6. Madaniy meros agentligi tomonidan ushbu oylik doirasida keksalar sayohati davomida Agentlikka qarashli bo‘lgan 114 ta muzey va galereyalarga (ro‘yxat) kirishi bepul tarzda amalga oshiriladi.

7. Madaniyat vazirligi tomonidan noyabr oyida Respublikadagi teatrlarda namoyish etiladigan spektakllar repertuarlari ro‘yxati e’lon qilindi.

“O‘zbekiston Respublikasining xorijiy mamlakatlar bilan madaniyat va turizm sohalaridagi aloqalarini yanada kengaytirish chora tadbirlari to‘g‘risida”gi Prezident Farmoni (PF–15-son, 30.01.2026 y.) qabul qilindi.

🔰 Farmonga ko‘ra, O‘zbekistonning mazkur Farmon ilovasida belgilangan davlatlardagi elchixonalarining shtat jadvaliga qo‘shimcha ravishda madaniyat va turizm masalalari bo‘yicha maslahatchi lavozimi kiritiladi.

✅ Ushbu lavozim xorijiy mamlakatlarda O‘zbekistonning madaniyat va turizm sohalaridagi tashabbuslarini muvofiqlashtirish samaradorligini oshirish maqsadida joriy etilgan.

📁 Maslahatchi lavozimiga tayinlash va undan ozod etish Prezidenti Administratsiyasi Kreativ iqtisodiyot va turizm bo‘yicha departamenti boshlig‘i taqdimnomasiga muvofiq tashqi ishlar vaziri tomonidan amalga oshiriladi. 

⏭️ Maslahatchi tegishli davlatdagi diplomatik vakolatxona rahbariga bo‘ysunadi va uning 2 tomonlama munosabatlarni rivojlantirish faoliyatiga ko‘maklashadi.

📙 Maslahatchi Prezidenti Administratsiyasi Kreativ iqtisodiyot va turizm bo‘yicha departamenti boshlig‘iga hisobdor bo‘ladi.

Bugungi kunda Oʻzbekistonda iqtisodiyotning asosiy drayverlaridan biri sifatida turizm sohasini rivojlantirishga alohida eʼtibor qaratilmoqda. Shu maqsadda, dunyoning bir qancha mamlakatlari bilan ushbu yoʻnalishda hamkorlik aloqalarini oʻrnatish va kengaytirish ishlari amalga oshirilmoqda. 
Joriy yilning 19-oktabrida Samarqand viloyati Turizm boshqarmasi va Ummon Sultonligi turizm sohasi vakillari oʻrtasida uchrashuv boʻlib oʻtdi.
Uchrashuvda, shuningdek, Samarqand viloyatida faoliyat koʻrsatib kelayotgan 12 ta turfirma vakillari ham ishtirok etdilar.
Uchrashuv davomida rasmiylar hamkorlik aloqalarini mustahkamlash va ikki tomonlama turizm oqimini oshirish masalalarini muhokama qilishdi. Tadbir soʻnggida viloyatimiz va Ummon Sultonligi turizm sohasi vakillari oʻrtasida B2B uchrashuvlari ham tashkil etildi.

Flyadeal aviakompaniyasi Jidda—Toshkent—Jidda, Madina—Toshkent—Madina va Jidda—Namangan—Jidda yo'nalishlarida muntazam aviaqatnovlarni amalga oshirishni boshladi. Bu aviaqatnovlar, O'zbekiston va Saudiya Arabistoni o'rtasidagi hukumatlararo bitim asosida ruxsat berildi.

“O`zaviatsiya” agentligi, Flyadeal kompaniyasining agenti sifatida, O'zbekistonga ushbu muntazam parvozlarni amalga oshirish uchun kerakli ruxsatnomani olgan. Parvozlar Airbus A320 samolyotlari bilan amalga oshiriladi.

Bu yangi yo'nalishlar, ikki mamlakat o'rtasidagi havo qatnovini kengaytirishga va sayohatchilar uchun qulaylik yaratishga yordam beradi.

Prezidentimiz qaroriga muvofiq, Surxondaryo viloyatida uchta yirik turizm markazi tashkil etilmoqda. Ushbu loyihalardan biri — 615 gektar maydonni qamrab olgan "Sangardak" turizm markazidir.

Loyiha "Turonbank" hamda xorijiy kompaniyalar hamkorligida ishlab chiqilgan zamonaviy master-reja asosida amalga oshirilmoqda. Majmua tog‘li hududning tabiiy salohiyatini to‘liq namoyon etgan holda, ichki va tashqi sayyohlar uchun qulay hamda jozibador infratuzilmani yaratishni maqsad qilgan.

Ayni paytda loyiha doirasida tog‘ dor yo‘li, mehmonxonalar, restoranlar, kapsula uylar, bungalovlar, mehmon uylari, savdo bozorchasi, avtoturargohlar hamda turli xizmat ko‘rsatish obyektlarining qurilishi jadal sur’atlarda olib borilmoqda.

Mazkur turizm majmuasi kelgusida hudud iqtisodiyotini rivojlantirish, yangi ish o‘rinlari yaratish va Sangardakni mamlakatimizdagi yirik sayyohlik yo‘nalishlaridan biriga aylantirishga xizmat qiladi.

“Ikat Cinema” kinoklubi “Tashkent City” bogʻida ochiq osmon ostida filmlar tomosha qilishga taklif qiladi.

Jadval:

15-iyul:

20:30 — “Робин Гуд : начало”;

16-iyul:

• 20:30 — “Оставь мир позади”;

• 17-iyul:

• 20:30 — “Семейное дело”;

• 18-iyul:

• 20:30 — “Ирландская мечта”;

• 19-iyul:

• 20:30 — “Воображаемые друзья”;

• 20-iyul:

• 20:30 — “Таро : карта смерти”;

• 21-iyul:

• 20:30 — “(Не)бывшие”.

• Tomosha qilish narxi:

• kattalar uchun — 100 000 soʻm;
• 10 yoshgacha boʻlgan bolalar uchun — 50 000 soʻm.

• Ushbu havola orqali roʻyxatdan oʻtish talab qilinadi.

2025 yilning yanvar–oktabr oylarida jami 27,5 ming nafar Fransiya fuqarolari turistik maqsadlarda O‘zbekistonga tashrif buyurgan. Bu ko‘rsatkich o‘tgan yilning mos davriga nisbatan 5,8 ming nafarga yoki 26,9 foizga oshgan.

Foto: Milliy statistika qo‘mitasi

Milliy statistika qo‘mitasi keltirgan ma’lumotlarda qayd etilishicha (t.me/statistika_rasmiy), 2025 yilning 10 oyi davomida Fransiya fuqarolarining O‘zbekistonga tashriflari sonida ijobiy dinamika kuzatilgan. Tashrif buyurganlarning katta qismi mamlakatga sayohat maqsadida kelgan.

Fransiya fuqarolarining safar maqsadlari bo‘yicha taqsimoti quyidagicha:

• sayohat — 25,2 ming nafar;
• xizmat yuzasidan — 1,1 ming nafar;
• qarindoshlarni yo‘qlash — 1 ming nafar;
• o‘qish — 76 nafar;
• tijorat — 20 nafar.

Temir yo‘l xizmatidan 2024 yil yanvar -sentabr oylaridan o‘rtacha 1 kunda 26.7 ming nafar yo‘lovchi foydalangan.
Bu 2023 yilga nisbatdan 100.2 foizaga ko‘p.
  
A`zo bo`ling!  t.me/ichki_turizm

O‘zbekiston Respublikasi Prezidentining “Oʼzbekiston Respublikasi Turizm qoʼmitasi faoliyatini tashkil etish va turizm sohasini jadal rivojlantirish chora-tadbirlari toʼgʼrisida”gi Qarori (https://president.uz/oz/lists/view/8692) qabul qilindi.

Mazkur Qaror iqtisodiyotning strategik jihatdan muhim sektori sifatida turizm sohasining tizimli va barqaror rivojlanishini taʼminlash, sohada davlat boshqaruvini yanada takomillashtirish, koʼrsatiladigan xizmatlar sifatini oshirish hamda milliy turistik mahsulotlarning jahon bozorida raqobatbardoshligini taʼminlashga xizmat qiladi.

Qarorga muvofiq quyidagilar 2030-yilgacha turizm sohasini rivojlantirishning asosiy maqsadlari etib belgilandi:

✔️ turizm sohasining yalpi ichki mahsulotdagi ulushini amaldagi 3,5 foizdan 7 foizgacha yetkazish;

✔️ chet ellik turistlarning yillik sonini amaldagi 10 mln nafardan 20 mln nafargacha yetkazish, shu jumladan, toʼlov qobiliyati yuqori boʼlgan turistlar oqimini koʼpaytirish;

✔️ turizm xizmatlari yillik eksporti hajmini 6 mlrd AQSh dollaridan oshirish;

✔️ Oʼzbekistonning turistik shaharlari oʼrtasidagi transport bogʼlanishini yaxshilash, ichki aviaqatnovlar sonini koʼpaytirish hamda yoʼlga sarflanadigan vaqtni kamida 3 baravarga qisqartirish;

✔️ 4 va 5 yulduzli mehmonxonalar sonini 2 baravarga oshirish;

✔️ turistik xizmatlar va mahsulotlarni diversifikatsiya qilish orqali respublikaning turistik salohiyatini toʼliq ishga solish;

✔️ jahonda keng taniladigan Oʼzbekistonning turistik brendini yaratish va milliy turistik mahsulotlarni ommalashtirish uchun yangi instrumentlarni joriy etish.