O‘zbekiston Respublikasi Vazirlar Mahkamasining tegishli topshirig‘iga muvofiq, respublikadagi barcha turizm namoyishi obyektlari, aeroport, vokzal, avtoshohbekatlar, shuningdek, avtomobillarga yoqilg‘i quyish shoxobchalarida sanitariya-gigiyena shoxobchalarining yetarli darajada tashkil qilinganligi, ularning sanitariya, shaharsozlik normalari va qoidalari talablariga muvofiqligi hamda ularda nogironligi bo‘lgan shaxslar uchun sharoitlar yaratish yuzasidan, Respublika ishchi guruhi, viloyat hamda tuman (shahar) hududiy ishchi guruh a’zolari ishtirokida Navoiy iloyatida o‘rganish ishlarini boshlash yuzasidan yig‘ilish bo‘lib o‘tdi.

🌐 Yig‘ilishda Ishchi guruh rahbari M.Xayitova, Navoiy viloyati korxona va tashkilotlar rahbarlari, mas’ul xodimlar ishtirok etib, o’rganish jarayonlarida amalga oshirilishi lozim bo’lgan chora-tadbirlar belgilab olindi.

Samarqandda Markaziy Osiyoda mehmonxona, restoran va turizm biznesi sohasida muhim voqea – “Samarkand Hospitality Days” - HoReCa 2024 xalqaro mehmondo‘stlik va turizm sanoati ko‘rgazma-yarmarkasi o‘z ishini boshladi. Ushbu tadbir mehmondo‘stlik sanoati mutaxassislari o‘rtasida o‘zaro hamkorlikni mustahkamlash, eng yangi texnologiyalarni taqdim etish va bozorning asosiy tendentsiyalarini muhokama qilish uchun muhim platforma hisoblanadi.

B2B uchrashuvlar va mijozlar bilan aloqalar

Tadbir 10-11 oktabr kunlari davom etadi va turizm sohasi vakillari, xususan, marketologlar, menejerlar, mehmonxona va restoran biznesi vakillari uchun B2B uchrashuvlar o‘tkazish imkoniyatini taqdim etadi. Bu, shuningdek, yangi hamkorliklar o‘rnatish va tajriba almashish uchun ajoyib imkoniyatdir.

Gastrofestival: Buyuk ipak yo‘li mamlakatlarining taomlari

Ko‘rgazmaning yana bir jalb qiladigan qismi 12-13-oktabr kunlari bo‘lib o‘tadigan gastrofestivaldir. Ushbu festivalda Buyuk Ipak yo‘li mamlakatlarining meros bo‘lib kelayotgan pazandalik mahoratlari namoyish etiladi. Ishtirokchilar va tashrif buyuruvchilar yetakchi oshpazlar tomonidan tayyorlangan taomlardan bahramand bo‘lishlari, an’anaviy taomlar tayyorlash bo‘yicha mahorat darslarida qatnashishlari va milliy hamda jahon gastronomiyasining yangi tendentsiyalari bilan tanishish imkoniyatiga ega bo‘ladilar.

Xulosa

“Samarkand Hospitality Days” - HoReCa 2024 tadbiri mehmondo‘stlik va turizm sohasidagi innovatsiyalarni targ‘ib qilish va mutaxassislar o‘rtasida hamkorlikni rivojlantirishda muhim rol o‘ynaydi. Samarqand shahridagi ushbu voqea, shuningdek, Markaziy Osiyoda turizm va gastronomiya sohasida yangi imkoniyatlarni ochishga xizmat qiladi. Tadbirlarda ishtirok etish, albatta, sanoat vakillari uchun qimmatli tajriba va bilim manbai bo‘ladi.

“Atur” mehmonxonasida bo‘lib o‘tgan Xalqaro yarmarkada 60 ga yaqin mahalliy va xorijiy turizm biznesi vakillari, shuningdek, turizm sohasida ishlash niyatida bo‘lgan 50 dan ortiq yoshlar va hunarmandlar ishtirok etdi. 

Shveytsariya, Avstriya, Germaniya kabi mamlakatlarning sayyohlik tadbirkorlik subyektlari Namangan viloyatining yangi turistik yo‘nalishlari va imkoniyatlari bilan tanishdi.

Yarmarkadan ko‘zlangan asosiy maqsad yevropalik sayyohlarni Namangan viloyatiga jalb etish, ularga viloyat landshaftlari va yangi sayyohlik joylarini ko‘rsatishdan iborat edi.

Viloyatda faoliyat yuritayotgan turoperatorlar o‘zlarining turpaketlarini taqdim etdilar. Mahalliy hunarmandlar esa o‘zlarining noyob mahsulotlari bilan xorijlik mehmonlarni lol qoldirdi. Mahalliy dekorativ-amaliy san’at mahsulotlari mehmonlarda katta qiziqish uyg‘otdi.

Yarmarka mahalliy iqtisodiyotga ijobiy ta’sir ko‘rsatishi kutilmoqda.

Ishtirokchilar tadbirdan ajoyib taassurot olganliklarini ta’kidladilar. Turoperatorlar viloyatning boy tarixiy, madaniy va tabiiy boyliklari bilan tanishib, o‘z sayyohlariga yangi yo‘nalishlarni taklif qilish niyatida ekanliklarini bildirdilar.

Yarmarka Namangan viloyatining sayyohlik salohiyatini xalqaro miqyosda targ‘ib qilish yo‘lidagi yana bir muhim qadam bo‘ldi, deb ta’kidlaydi viloyat turizm boshqarmasi.

Aziz vatandoshlar va yurtimiz mehmonlari!
Barchangizni joriy yilning 19-21-sentyabr kunlari Farg'ona viloyati Marg'ilon shahridagi “Erkin Vohidov” bog‘ida bo‘lib o‘tadigan “Atlas Bayrami ” VI xalqaro an’anaviy to‘qimachilik festivaliga taklif etamiz! 

Loyiha XIX asrning asosiy ustalaridan biri Vinsent van Gogning hayoti va ijodini o‘rganadi.

Ko‘rgazmaning yangilangan versiyasi ikkita katta multimedia shousi va uchta tematik zonani o‘z ichiga oladi, ularning har biri rassomning shaxsiyati, ichki kechinmalari, professional yo‘li va hissiy merosini yoritadi. Qo‘shimcha materiallar va kengaytirilgan vizual kontent tomoshabinlarga uning uslubining rivojlanishi, xarakter xususiyatlari va asarlarini yaratgan tarixiy kontekstni chuqurroq tushunishga yordam beradi.

“Van Gog bo‘lish” – bu rassomning tarjimai holiga yangicha nuqtai nazarni taqdim etuvchi multimedia formatidir. Tashrif buyuruvchilar uning hayotining asosiy bosqichlari bo‘ylab yo‘naltiriladi: o‘z yo‘lini izlash va birinchi ijodiy harakatlaridan tortib, o‘ziga xos badiiy uslubini rivojlantirish va xalqaro miqyosda tan olinishga erishishgacha. Ko‘rgazma uning merosining ko‘lamini va bugungi kunda san’at va madaniyatga ta’sirini yoritadi.

Ko‘rgazma vaqti:

Dushanbadan payshanbagacha, soat 10:00 dan 23:00 gacha;

Juma kunidan yakshanba kunigacha, soat 10:00 dan 00:00 gacha.

Chiptalar narxi:

Dushanbadan chorshanbagacha: 40 000 so'm;
Payshanba: birinchi kelganga birinchi xizmat ko'rsatiladi.
Juma kunidan yakshanbagacha: 60 000 so'm;
Ixtisoslashtirilgan maktablar va maktab-internat o'quvchilari uchun bepul kirish;
Maktab o'quvchilari, talabalar va nafaqaxo'rlar kassadan chipta sotib olayotganda 50% chegirmaga ega;
10 yoshgacha bo'lgan bolalar: bepul kirish.

Qo'shimcha ma'lumot olish uchun (+998) 71-207-1071, (+998) 71-207-2072 raqamlariga qo'ng'iroq qiling.

Moda va to'qimachilik ko'rgazmasi ishlab chiqaruvchilar, xaridorlar va to'qimachilik sanoati mutaxassislarini birlashtirgan noyob platformadir. Tadbir xaridorlar bilan samarali muloqot qilish va kelgusi mavsum uchun yetkazib berish shartnomalarini tuzish imkonini beradi.

Moda tadbirida Markaziy Osiyo mamlakatlarida trendlarni belgilaydigan zamonaviy moda tendentsiyalari namoyish etiladi. Uch kun davomida mahalliy va xalqaro brendlarning moda namoyishlari va mutaxassislar ishtirokidagi boy biznes dasturi bo'lib o'tadi.

2026-yilgi Moda va to'qimachilik ko'rgazmasi moda tadbirlarining markazida bo'lish va foydali biznes aloqalarini o'rnatish imkoniyatidir.

Kirish bepul.

Https://tftexpo.com/visitors-ru saytida oldindan ro'yxatdan o'tish talab qilinadi.

Adress: Toshkent sh. Milliy bog` 1
Telefon (+998) 78-113-3333

• 1-taom

• Kesma lagʻmon

  

  Ushbu lag‘mon haqiqiy o‘zbek pazandaligiga xos bo‘lib, juda qadim davrlarda kelib chiqqan. G‘oyat to‘q tutar va serlazzat bo‘lib, mehmon dasturxoniga qo‘ysa arzigulik taom. Yilning to‘rtala faslida ham tayyorlasa bo‘ladi. Bunday lag‘mon Farg‘ona vodiysida ko‘proq tayyorlanadi. Kesma lag‘monning tayyorlanishi quyidagicha: xamirni xuddi chuchvaraga tayyorlagandek qilib qoriladi, tindirib, so‘ng o‘qlov yordamida 2-3 mm qilib yoyiladi. Yoymani taxlab eni 4-5 mm keladigan uzun-uzun tasmalar kesiladi, bir-biriga yopishib ketmasligi uchun urvoqqa belanadi. Shunday kesilgan ugrani qaynab turgan tuzli suvga solib pishiriladi, yuziga qalqib chiqqanda chovlida suzib olib sovuq suvda 2-3 bor chayqab yuborilgandan so‘ng sirqitib qo‘yiladi. Qaylasi bunday tayyorlanadi: piyozni halqa-halka, go‘shtni bodom kattaligida lo‘nda-lo‘nda qilib, pomidorni tilik-tilik, kartoshkani o‘rtacha (1,5 X 1,5 X 1,5 sm), turpni kichik (0,5 X 0,5 X 0,5 sm) kubik shaklda to‘g‘raladi, karam, chuchuk garmdori va sarimsoqni mayda chopiladi. Qozonda yog‘ni dog‘lab piyoz tashlanadi, uncha qizarmasdan turib go‘shtni solinadi, seli chiqa boshlaganda sarimsoq bilan pomidorni solib to pomidor ezilib seli chiqkuncha jazlanadi. Qishda pomidor o‘rniga tomat ishlatish mumkin. So‘ngra turp, chuchuk garmdori va karamni solib, kovlab chala pishguncha qovuriladi-da, biroz suv quyib sust olovda miltiratib, barcha masalliq to‘la yumshaguncha qaynatiladi. Agar suvi bug‘lanib ketsa, har bir masalliq to‘la yumshaguncha qaynatiladi. Agar suvi bo‘g‘lanib ketsa, bir oz issiq suv qo‘shiladi. Tuzini rostlab qalampir sepiladi. Qayla juda ham suyuq yoki o‘ta quyuq bo‘lmay, o‘rtacha bo‘lishiga e’tibor berish lozim. Dasturxonga tortishda tayyor ugrani qaynoq suvga pishib, ilitib olgach, laganga bir qavat qilib solinadi, ikkinchi qavatiga qayladan solinadi, ustidan uchinchi qavat yana ugra solib tepasi — to‘rtinchi qavatiga yana qayla solinadi, chopilgan oshko‘klardan sepib keltiriladi.

• 2-taom

• Noʻxatshoʻrak

  

  No’xatsho’rak ko’pchilikning sevimli taomlaridan biri bo’lib, uni asosan Samarqad viloyatida keng tayyorlashadi. No’xatsho’rakdagi no’xatlar bir kechaga ivitib qo’yiladi va kun bo’yi qaynatib pishiriladi. Qarabsizki, undagi qo’y go’shti va no’xat tobida yetilib pishadi va og’zingizda erib ketadi.

• Desert

• Chak-chak

  

  Chak chak - òzbek oshxonasining mazzali shirinligi.Buni tayyorlashda kichik xamir bòlaklarini qovurishadi va issiq asal yokida shakar siropiga solgan holda tayyorlashadi.Xamir bòlaklari bir birisiga yopishgandan song ajoyib pishiriq tayyor bòladi.Chak chakga kòpincha qòshimcha tam uchun dolchin kabi ziravorlar qòshiladi.Va tabga kòra bodom ,yonĝoq kabi quruq mevalardan foydalaniladi.Odatda chak chak milliy bayram tadbirlarda dasturxonga

Safarning ilk kunida Xanchjouda “O‘zbekiston turizmi Xitoyda” xalqaro forumida Namanganning turistik imkoniyatlari, madaniy-tarixiy merosi, ziyorat va ekoturizm yo‘nalishlari bo‘yicha keng qamrovli taqdimot o‘tkazilib, viloyat hokimi o‘rinbosari Botir Nuritdinov hudud turizm salohiyati, infratuzilmasi va xorijiy sayyohlar uchun yaratilgan imkoniyatlar haqida ma’lumot berdi.

Xitoyning Xanchjou Sayyohlik agentliklari assotsiatsiyasi Bosh kotibi Chen Jinrong hamda Botir Nuritdinovlar turizmda hamkorlik bo‘yicha memorandumi imzolashdi. Ushbu hujjat ikki tomonlama aloqalarni mustahkamlash, qo‘shma turistik loyihalarni amalga oshirish hamda Xitoydan Namangan viloyatiga turistlar oqimini oshirishga xizmat qilishi kutilmoqda.

Tadbirda Xitoyning 100 dan ortiq yetakchi turistik kompaniyalari, turoperatorlar hamda soha mutaxassislari ishtirok etmoqda.

Шавкат Мирзиёев ознакомился с презентацией создания туристического кольца в Ферганской области, сообщает пресс-служба главы государства.

В прошлом году Фергану посетило всего 430 тыс. иностранных туристов, что «мало, учитывая богатую историю и прекрасную природу региона».

Цель туристического кольца — продление срока пребывания туристов с 3 до 7 дней и увеличение количества объектов посещения в два раза.

Для этого в туристические маршруты будут включены достопримечательности Ферганского, Алтыарыкского, Кувинского, Учкуприкского районов. Маршрут будет состоять из 577 пунктов, на которых будут предоставлять 50 видов услуг.

“Ipak yo‘lida turizm” 30-Toshkent xalqaro turizm yarmarkasi rasmiy ochilishdan so‘ng ishtirokchilar ko‘rgazma stendlari bilan tanishdilar.

Mehmonlar O‘zbekistonning turli viloyatlari va shaharlaridagi sayyohlik salohiyati, tarixiy va madaniy merosi bilan yaqindan tanishish imkoniga ega bo‘ldilar. Har bir viloyat o‘zining maxsus stendi orqali milliy an’analari, gastronomiyasi va sayyohlik imkoniyatlarini taqdim etdi.

Shuningdek, mehmonlar ko‘rgazma doirasida turli viloyatlarning madaniy va an’anaviy mahsulotlari, suvenirlar va turistik yo‘nalishlari bilan yaqindan tanishdilar. Ko‘rgazma davomida ishtirokchilar milliy raqs va musiqiy chiqishlar, shuningdek, an’anaviy hunarmandchilik namunalarini tomosha qilish imkoniyatiga ega bo‘ldilar.

Bundan tashqari, yarmarka mehmonlari uchun O‘zbekistonning turistik marshrutlari, dam olish maskanlari va tabiiy go‘zalliklarini aks ettiruvchi vizual taqdimotlar tashkil etildi

 Turizmni rivojlantirish ilmiy-tadqiqot institutida "XXI asrda tibbiy turizm: barqaror modellar va ilg‘or amaliyot" III xalqaro ilmiy-amaliy konferensiyasi doirasida "Tibbiyot turizmi uchun kadrlar: tarmoqlar sinergiyasi va yangi imkoniyatlar" mavzusida davra suhbati o‘tkazilmoqda.

Tadbir Turizm qo‘mitasi, Sog‘liqni saqlash vazirligi, Innovatsion rivojlanish agentligi, shuningdek, Rossiyaning yetakchi va milliy oliy o‘quv yurtlari hamda texnikumlari vakillarini birlashtirdi.

Ishtirokchilar tibbiy turizm sohasida kadrlar tayyorlash, ta’lim dasturlarini rivojlantirish, turizm va sog‘liqni saqlash sohalarining o‘zaro hamkorligi kabi dolzarb masalalarni muhokama qildilar. 

7–11-noyabr kunlari Saudiya Arabistonining Ar-Riyod shahrida Butunjahon turizm tashkilotining (UN Tourism) 26-sessiyasi bo‘lib o‘tdi. Tadbirni O‘zbekiston Respublikasi ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov ochib berdi. U 2023-yil oktabr oyida Samarqandda o‘tgan 25-sessiyada raislik qilgan mamlakat — O‘zbekiston nomidan so‘zga chiqdi va Prezidentning turizm sohasidagi islohotlari to‘g‘risida ma'lumot berdi.

“Prezident Shavkat Mirziyoyev turizmni nafaqat iqtisodiyot tarmog‘i, balki O‘zbekistonni dunyoga, dunyoni esa O‘zbekiston uchun ochadigan vosita sifatida belgilab berdi. BMT Turizm tashkilotining 25-bosh assambleyasini tarixiy Samarqand shahrida o‘tkazish – Prezidentimiz tashabbusining muhim natijalaridan biridir. Ortda qolgan davr mobaynida sezilarli yutuqlarga erishdik: 97 ta davlat fuqarolari O‘zbekistonga vizasiz kirish huquqiga ega bo‘ldi (ilgari bu raqam atigi 9 edi). Hozirda deyarli 50 ta xorijiy va 16 ta milliy aviakompaniya haftasiga 700 dan ortiq xalqaro reyslarni amalga oshirmoqda. Natijada xalqaro turistlar soni 2023-yilda 6,6 millionga yetgan bo‘lsa, 2024-yilda 10 milliondan oshdi. Bu yil esa biz 15 milliondan ortiq sayyohni qabul qilishni maqsad qilganmiz”, — dedi A. Abduhakimov.

Vazirning ta’kidlashicha, ortib borayotgan talabni qondirish uchun respublika 8 milliard AQSh dollari miqdorida investitsiya yo‘naltirib, 22 ta yangi "Dreamliner" samolyotini xarid qilmoqda hamda Saudiya Arabistoni bilan hamkorlikda 2,5 milliard dollarlik yangi Toshkent xalqaro aeroportini qurmoqda. Bu loyiha Markaziy Osiyodagi havo transporti haqidagi tasavvurlarni o‘zgartirmoqda.

Shuningdek, ta’lim va innovatsiyalar masalasi ham muhim yo‘nalish sifatida qayd etildi: "UN Tourism" va Shveysariyaning "Les Roches" maktabi bilan hamkorlikda Samarqandda Xalqaro turizm akademiyasi tashkil etilib, u global turizm sohasining kelajakdagi yetakchilarini tayyorlamoqda. O‘zbekistonning yangi Milliy turizm rivojlanish strategiyasi “Insonlar — Sayyora — Farovonlik” tamoyillariga asoslanmoqda.

“Biz BMT tomonidan 2027-yilni Barqaror turizm yili deb e’lon qilishga oid rezolyutsiya tashabbusini ilgari surganimizdan faxrlanamiz. O‘zbekiston, shuningdek, BMTning Xavfsiz turizm bo‘yicha xalqaro kodeksini ishlab chiqish tashabbusini ilgari surdi va Hukumatlararo qo‘mitaga rais etib saylandi. Bu orqali biz ishonch, xavfsizlik va mas’uliyatning global standartlarini ilgari surmoqdamiz. Bundan tashqari, Butunjahon turizm tashkilotining Ipak yo‘li bo‘yicha tematik ofisi ochilib, qadimiy Ipak yo‘lining bog‘liqlik va umumiy farovonlik ramzi sifatida qayta tiklanishiga xizmat qilmoqda”, — dedi vazir.

Aziz Abduhakimov nutqi yakunida turizm kelajagi to‘g‘risidagi Ar-Riyod deklaratsiyasini qo‘llab-quvvatladi, sun’iy intellektning soha rivojidagi rolini alohida ta’kidladi hamda Markaziy Osiyo va Yaqin Sharq o‘rtasida hamkorlikni kuchaytirish orqali yangi iqtisodiy va madaniy imkoniyatlar yaratish zarurligini qayd etdi.

Marosim yakunida Butunjahon turizm tashkilotining 26-sessiyasida raislik rasmiy ravishda Saudiya Arabistoniga topshirildi

So‘ngi yillarda dunyoda eng yirik turizm bozorlari bo‘lmish Xitoydan sayyohlarni jalb qilish bo‘yicha ishlar ko‘lami sezilarli kengaygan. Jumladan, 2025-yil “Xitoyda O‘zbekiston turizm yili” deb e’lon qilindi. Yil davomida Xitoyning yirik shaharlari va provinsiyalarida turizm roudshoulari o‘tkazildi, Sian, Guanchjou, Gonkong shaharlaridagi salmoqli turizm ko‘rgazmalarida mamlakat milliy stendi bilan ishtirok etildi.

Albatta, ikki mamlakat turizm tadbirkorlari o‘rtasida bevosita aloqalarning kengayishi uchun zarur imkoniyatlar yaratilayotganligi, bu yo‘nalishdagi sa’y-harakatlarning davomiyligini ta’minlamoqda. Masalan, shu kungacha o‘tkazilgan tadbirlarda 500 ortiq Xitoy turkompaniyalari bilan B2B-muzokaralar tashkil etilib, 40 dan ortiq hamkorlik bitimlari imzolandi.

Qolaversa, 2025-yil 1-iyunidan O‘zbekiston va Xitoy o‘rtasida vizasiz rejim joriy etilganligi soha vakillari uchun juda katta imkoniyatlarni ochib bermoqda.

Natijada, 2025-yil yanvar-oktyabr oylari davomida yurtimizga Xitoydan 217 ming nafar turist tashrif buyurdi. Yil yakuniga qadar esa mazkur ko‘rsatgich 250 minga yetishi kutilmoqda.

E’tiborlisi, Turizm yili davomida erishilgan natijalar joriy yildagi maqsadli ko‘rsatkich – 180 ming nafardan 40% ga ko‘p va o‘tgan yilgi ko‘rsatgichlarga nisbatan 3,7 baravar o‘sishni ta’minladi. Bu esa davlatimiz rahbari tomonidan soha oldiga qo‘ygan yirik maqsad – Xitoydan 1 million sayyoh jalb qilishdagi qadamlar jadallashganidan dalolatdir.

🛫 Milliy statistika qo‘mitasi ma’lumotlariga ko‘ra, 2025 yilning yanvar–noyabr oylarida jami 2,7 ming nafar O‘zbekiston fuqarolari turistik maqsadlarda Yaponiyaga safar qilgan.

📊 Bu ko‘rsatkich o‘tgan yilning mos davriga nisbatan 16,2 foizga oshgan.

📊 Joriy yilning 11 oyida Yaponiyaga borgan O‘zbekiston fuqarolarining safar maqsadlari tahlil qilinganda — sayohat maqsadida 2,2 ming nafar, qarindoshlarni yo‘qlash maqsadida 294 nafar, o‘qish uchun 137 nafar, xizmat yuzasidan 58 nafar hamda davolanish maqsadida 4 nafar fuqaro safar qilgan.

🛬  Shuningdek, mazkur davrda O‘zbekistonga qariyb 30 ming nafar Yaponiyaliklar turistik maqsadlarda tashrif buyurgan.

📊 Yaponiyalik turistlar soni avvalgi yilning mos davriga nisbatan 41,1 foizga ko‘paygan.

📊 Yaponiyaliklarning safar maqsadlari tarkibida sayohat ustunlik qilib, 27,6 ming nafarni tashkil etgan. Shuningdek, qarindoshlarni yo‘qlash — 1,5 ming nafar, xizmat yuzasidan — 784 nafar, o‘qish — 71 nafar, tijorat maqsadida — 1 nafar tashrif qayd etilgan.
 

Farg‘ona tumanining turizm salohiyatidan samarali foydalanish, tog‘li hududlarning zaxira imkoniyatlarini ishga tushirish, aholini xizmat ko‘rsatish va tadbirkorlik faoliyatiga keng jalb qilish, tumanning investitsiyaviy jozibadorligini oshirish, master reja asosida xizmat ko‘rsatish majmualarini tashkil qilish, xalqaro kurort zonasini rivojlantirish hamda yangi ish o‘rinlarini yaratish maqsadida O‘zbekiston Respublikasi Prezidentining 2026-yil 12-yanvar kuni “Farg‘ona” turistik-rekreatsion zonasini tashkil etish chora-tadbirlari to‘g‘risida”gi qarori qabul qilindi.

Qarorga muvofiq, “Farg‘ona” turistik-rekreatsion zonasi (turistik zona) umumiy 2396 gektar maydonda faoliyat ko‘rsatish muddatini keyinchalik uzaytirish imkoniyati bilan 30 yilga tashkil qilinadi.

Farg‘ona tumanida “Vodil” malina agroturizm klasterini turistik obyektga aylantirish uchun zarur infratuzilma yaratiladi va salohiyatli tadbirkorlarni jalb etgan holda malina bog‘lari (plantatsiyalari) hududida yengil konstruksiyali xizmat ko‘rsatish obyektlari tashkil qilinadi.

2026–2027-yillarda Yozyovon tumani Markaziy Farg‘ona suv ombori atrofidagi yer maydonlarida turizm xizmatlarini tashkil qilish orqali ish o‘rinlari yaratiladi.

Shuningdek, Farg‘ona tumani “Sanoat” va “Hosilot” MFY hududlarida xorijiy mamlakatlarning ijobiy tajribasi asosida malina plantatsiyalarini tashkil qilish, muzlatkichlar va chuqur qayta ishlash sexlarini qurish orqali agroturizm xizmatlari yo‘lga qo‘yiladi.

Mazkur tashabbuslar hududda turizm va agrosanoat kooperatsiyasini kuchaytirish, tadbirkorlikni qo‘llab-quvvatlash hamda mahalliy aholi bandligini oshirishga xizmat qilishi kutilmoqda.

Statistika agentligi ma’lumotlariga ko‘ra, 2024 yilning yanvar-sentabr oylarida jami 30,4 ming nafar O‘zbekiston Respublikasi fuqarolari o‘qish maqsadida chet elga borgan.  Bu ko‘rsatkich o‘tgan yilning mos davri bilan solishtirilganda 952 nafarga yoki 3,2 % ga oshgan.

✅ Joriy yilning yanvar-sentabr oylarida o‘qish maqsadida chet elga ketgan O‘zbekiston Respublikasi fuqarolari mamlakatlar bo‘yicha quyidagicha:

Tojikiston — 11 409 nafar

Rossiya — 7 301 nafar

Qirg‘iz Respublikasi — 2 845 nafar

Turkiya — 2 195 nafar

Janubiy Koreya — 1 839 nafar

Qozog‘iston — 1 372 nafar

Buyuk Britaniya — 693 nafar

Xitoy — 672 nafar

AQSh — 486 nafar

BAA — 295 nafar

Boshqa davlatlar — 1 292 nafar.

A`zo bo`ling!  t.me/ichki_turizm

Samarqand viloyati Nurobod tumanida joylashgan Nurbuloq shaharchasini zamonaviy kurort shaharchaga aylantirish bo‘yicha tizimli ishlar boshlab yuborildi.

2026-yil 8-yanvar kuni Nurbuloq shaharchasida ushbu hududni kurort yo‘nalishida rivojlantirish bo‘yicha ishlab chiqilayotgan master reja muhokamasi bo‘lib o‘tdi. Muhokama jarayonida shaharchaning tabiiy-iqlim sharoiti, shifobaxsh suv resurslari, infratuzilma holati hamda turizm salohiyatidan samarali foydalanish masalalariga alohida e’tibor qaratildi.

Mazkur tashabbus O‘zbekiston Respublikasi Prezidentining 2025-yil 27-dekabrdagi PQ–392-sonli qarorida belgilangan vazifalar ijrosini ta’minlash doirasida amalga oshirilmoqda. Qarorda hududlarda turizmni rivojlantirish, sog‘lomlashtirish va kurort yo‘nalishlarini kengaytirish ustuvor vazifalardan biri sifatida belgilangan.

Master reja doirasida:

zamonaviy sanatoriy va sog‘lomlashtirish majmualari,

mehmonxonalar va oilaviy mehmon uylari,

dam olish hududlari va yashil zonalar,

muhandislik-kommunikatsiya hamda transport infratuzilmasini rivojlantirish
bosqichma-bosqich amalga oshirilishi rejalashtirilgan.

Loyihaning asosiy maqsadi — Nurbuloqni sog‘lomlashtirish, dam olish va ekologik turizm yo‘nalishida ixtisoslashgan zamonaviy kurort maskaniga aylantirish, shuningdek, mahalliy aholi bandligini oshirish va yangi ish o‘rinlari yaratishdan iborat.

Nurbuloq shaharchasining kurort sifatida shakllanishi Samarqand viloyati turizm salohiyatini yanada kengaytirib, hududni ichki va xalqaro sayyohlar uchun jozibador manzilga aylantiradi.

Tadbirda “Koreya Respublikasi – Markaziy Osiyo” hamkorlik forumi kotibiyati, Seulda akkreditatsiyadan o‘tgan diplomatik missiyalar rahbarlari, turoperatorlar va mahalliy ommaviy axborot vositalari vakillari ishtirok etdi.

Taqdimotda O‘zbekistonning turizm salohiyati, qadimiy me’moriy obidalari, tarixiy shaharlari va YuNESKOning Butunjahon madaniy merosi ro‘yxatiga kiritilgan joylar haqida ma’lumotlar berildi. Shuningdek, ishtirokchilar so‘nggi yillarda aholining dam olish, sport, ziyorat, sog‘lomlashtirish va turizmning boshqa turlari uchun yaratilgan imkoniyatlar haqida ma’lumotlar bilan tanishtirildi.

“Koreya Respublikasi – Markaziy Osiyo” hamkorlik forumi kotibiyati ijrochi direktori Li Jungkok nashr etilgan sayyohlik qo‘llanmasini yuqori baholadi va O‘zbekiston bugun o‘zining tarixiy shaharlari, qadimiy obidalari, go‘zal tabiat manzaralari va go‘zal tabiati bilan dunyoning turli burchaklaridan sayyohlarni o‘ziga jalb etishini ta’kidladi. o'zbek xalqining mehmondo'stligi.

“Travel Book” nashriyot uyi vakili Tak Pyong Yong ishtirokchilarga ushbu qo‘llanmaning afzalliklari va O‘zbekistonning turizm salohiyati haqida taqdimot qildi.

Uning taʼkidlashicha, qoʻllanma koreys tilida soʻzlashuvchi sayyohlarga Oʻzbekistondagi mashhur sayyohlik obʼyektlari, tarixiy obidalar, ekologik, madaniy, gastronomik, sport va boshqa turdagi yangi turistik yoʻnalishlar haqida batafsil maʼlumot olish imkonini beradi.

Qo‘llanma koreys tilida 200 ming nusxada nashr etilgan bo‘lib, internet-jurnal va mamlakatning eng yirik kitob do‘koni – Kyobo Book Center o‘quvchilariga taqdim etilgan.

Xorijlik sayyohlarni mamlakatimizga jalb etish maqsadida O‘zbekistonning Seuldagi elchixonasi tomonidan “Travel Book” nashriyot-matbaa ijodiy uyi bilan hamkorlikda ishlab chiqilgan sayyohlar uchun qo‘llanma taqdim etildi, deb xabar bermoqda “Dunyo” axborot agentligi muxbiri.

Shu bilan birga, ushbu qo‘llanma O‘zbekistonga sayohat qilishni rejalashtirayotgan sayyohlarga ko‘plab savollariga javob topish va sayohatlarini tashkil etishda yordam beradi.

Yonhap axborot agentligi jurnalisti Son Do Xyun taʼkidlashicha, ushbu qoʻllanma janubiy koreyalik sayyohlarning mamlakatimizning diqqatga sazovor joylari haqida xabardorligini oshiradi.

“Bugun Janubiy Koreya aholisi O‘zbekistonga, xususan, jahon madaniy turizm poytaxti – Samarqand shahriga tashrif buyurish, shuningdek, YuNESKOning Jahon merosi ro‘yxatiga kiritilgan Buxoro va Xiva shaharlarining qadimiy me’moriy yodgorliklari bilan tanishishga katta qiziqish bildirmoqda. List, Surxondaryo – qadimiy buddist sivilizatsiyasining madaniy markazi”, — dedi “Avia Tour” sayyohlik kompaniyasi Xo Chin.

Sayohat kitobi nashriyoti Janubiy Koreyadagi yetakchi turizm nashrlaridan biridir. Ishonchli va aniq ma'lumotlar bilan o'quvchilar e'tiborini qozondi. Hozirgacha ushbu nashriyot tomonidan Yevropa, Osiyo, Yaqin Sharq va Afrika mamlakatlariga bag‘ishlangan 80 dan ortiq sayohat qo‘llanmalari chop etilgan.

https://dunyo.info/ru/turizm/seul-shaҳrida-Ўzbekistonning-sayeҳlik-saloҳiyatiga-baғishlangan-koreys-tilidagi-қўllanmaning-taқdimoti-bўlib-ўtdi

«O‘zbekiston temiryo‘llari» aksiyadorlik jamiyati 1 fevraldan mamlakat ichida qator yo‘lovchi poezdlari chiptalari narxi oshirilishini e’lon qildi.

Yuqori tezlikda harakatlanuvchi «Afrosiyob» elektr poezdlari va «Sharq», «Nasaf» va «O‘zbekiston» yo‘lovchi poezdlari chipta narxlari 15 foizga ko‘tariladi.

Xususan, «Afrosiyob» uchun yangilangan chipta narxlari quyidagicha bo‘ladi:

Toshkent – Buxoro

• VIP – 1 138 000 so‘m;
• Biznes — 760 000 so‘m;
• Ekonom — 509 000 so‘m.

Toshkent – Qarshi

• VIP – 976 000 so‘m;
• Biznes – 642 000 so‘m;
• Ekonom – 429 000 so‘m.

Toshkent — Samarqand

• VIP – 709 000 so‘m;
• Biznes – 455 000 so‘m;
• Ekonom – 311 000 so‘m.

Kompaniya «Afrosiyob» narxlari yuqori tezlikda harakatlanuvchi elektr poezdlarga texnik xizmat ko‘rsatish va ehtiyot qismlar xarajatlari oshgani, elektr energiyasi va ekspluatatsiya xarajatlari ko‘paygani, harakat xavfsizligini to‘liq ta’minlash hamda xalqaro standartlar darajasida xizmat ko‘rsatishni davom ettirish zarurati, elektr poezdlar infratuzilmasini saqlash va doimiy modernizatsiya qilish ishlari hamda yo‘lovchilarga sifatli xizmat ko‘rsatish maqsadida oshirilayotganini qayd etgan.

Manba: https://kun.uz/kr/92973487

Saudiya aviakompaniyasi Flyadeal O‘zbekistonga reyslarni yo‘lga qo‘yadi Kompaniya tomonidan Jidda—Toshkent—Jidda, Madina—Toshkent—Madina va Jidda—Namangan—Jidda yo‘nalishlarida aviakatnovlar tashkil etiladi. Bu reyslar o‘zbek va saudiya hukumatlari o‘rtasidagi kelishuvga asosan amalga oshiriladi.

O‘zbekistondagi "Ozaviation" agenti Flyadeal aviakompaniyasini ushbu reyslar uchun ro‘yxatdan o‘tkazish va ro‘yxatnoma berishda ishtirok etgan. Ushbu reyslarda Airbus A320 samolyotlari foydalaniladi.

Bu harakatlar, Saudiya Arabistoni va O‘zbekiston o‘rtasidagi havo aloqalarini kuchaytirishga va yo‘lovchilar uchun qulaylik yaratishga xizmat qiladi.