Сурхондарё вилоятидаги Бойсун тумани осмонўпар тоғлари, гўзал табиат манзаралари, турли ифорлар ҳиди инсонга хуш кайфият улашадиган тоза ҳавоси билан дунё аҳлини мафтун этиб келади.

Фусункор тоғ чўққилари қўйнидаги ҳар бир қишлоқ ўзига хос табиат гўзалликларига эга. 
Сурхондарё вилояти экология ва атроф-муҳитни муҳофаза қилиш бошқармаси ЎзАга тақдим этган мазкур суратларда тумандаги Тўда қишлоғининг шу кунлардаги табиат манзаралари акс этган. 

Бу қишлоққа туташ Бойсун тоғ тизмалари чўққисини ёз чилласида ҳам тарк этмайдиган оппоқ қор ҳудуд гўзаллигига янада фусункорлик бахш этиб турар эди. Бу йил қиш фаслида ёғингарчилик нисбатан кам бўлиб, ёзнинг иссиқ келгани чўққилардаги қорни эрта эритиб юборди. Бироқ, табиат инъом этган яшил бойликлар ўз тароватини йўқотмади. 

Мабодо бу суратлар сизни саёҳат учун Тўда тарафларга чорлаб қолса айтиб қўяй, мафтункор Тўда қишлоғига Дарбанддан ўтгач, Бойсун шаҳарчасига етмасдан чап қўл тарафдаги тоғлар қўйнига йўл оласиз. Баланд тоғ чўққилари, қишлоқ ва унинг гўзал манзаралари катта йўл бўйидан шундоқ кўзга ташланиб туради. Қишлоқ одамлари ҳам гўзал табиатга мос очиқ кўнгил, дилкаш ва меҳмондўст. Миллий ҳунармандлик ва санъатга меҳри баланд. Муздеккина зилол булоқ сувлари оромбахш. 

Агар йўлингиз тушиб Сурхондарё тарафларга келсангиз, албатта фусункор Тўда қишлоғига ҳам келинг. Буюк табиат инъом этган гўзал манзаралари ва инсонга хуш ёқадиган салқин ҳавосидан баҳра олиб, турли шифобахш гиёҳлар ифорини туйинг.

Betakror yurtimiz o‘zining tarixiy, madaniy meros ob’ektlari, go‘zal tabiati va iqlimi bilan hamisha sayyohlarni jalb etib keladi.

So‘nggi yillarda mamlakatimizda turizm sohasini rivojlantirish, uni iqtisodiyotning strategik sektoriga aylantirish, hali to‘la foydalanilmagan sayyohlik salohiyati imkoniyatlaridan keng foydalanish borasida keng ko‘lamli ishlar amalga oshirilmoqda.  

Ushbu yo‘nalishdagi sa’y-harakatlarni jadallashtirish borasida Prezidentimiz Shavkat Mirziyoyev tomonidan qator yig‘ilishlar o‘tkazilayotgani, sohaning huquqiy asoslarini mustahkamlashga qaratilgan hujjatlar qabul qilinib, dolzarb vazifalar belgilab berilayotgani alohida ahamiyatga ega.  

Jumladan, shu yil 30 aprelda qabul qilingan “Ichki turizm xizmatlarini diversifikatsiya qilishga oid qo‘shimcha chora-tadbirlar to‘g‘risida”gi Prezident qarorida ichki turizm xizmatlarini diversifikatsiya qilish va hajmini keskin ko‘paytirish, fuqarolarni mamlakatimizning turizm salohiyati bilan tanishtirish uchun zarur shart-sharoitlar yaratish, taqdim etilayotgan turizm xizmatlari sifatini yaxshilash va jahon bozorlarida raqobatbardoshligini oshirish, turizm sohasida faoliyat yuritayotgan tadbirkorlik sub’ektlari uchun qo‘shimcha imkoniyatlar yaratishga qaratilgan qator vazifalar o‘z aksini topgan. Xususan, “O‘zbekiston bo‘ylab sayohat qil!” dasturi doirasida ko‘plab maqsad-vazifalar belgilab berildi.  

Mazkur qarorga ko‘ra, 2022 yildan boshlab iyul oyida “Yoshlar turizmi oyligi”, 2023 yildan boshlab esa yanvar oyining birinchi dekadasi va mart oyining uchinchi dekadasida “Yoshlar turizmi haftaligi” o‘tkaziladi. Ta’kidlash joizki, ushbu sa’y-harakatlar ichki turizmni rivojlantirish hamda yoshlarning mazmunli sayohatlarini tashkil etish, ularni yurtimizning turistik manzillari va imkoniyatlari bilan yaqindan tanishtirishda muhim ahamiyat kasb etadi.  

Bu borada belgilangan vazifalarga ko‘ra, “Yoshlar turizmi oyligi” va “Yoshlar turizmi haftaligi” doirasida o‘quvchi, talaba va yoshlarning sayohat guruhlari maxsus jihozlangan xizmat avtomobillarida ichki ishlar organlari hamrohligida tashiladi. Buning xarajatlari esa Ichki ishlar vazirligi Maxsus byudjetdan tashqari jamg‘armasi mablag‘lari hisobidan amalga oshiriladi. 

“Yoshlar turizmi oyligi” doirasida Yoshlar turizmi qurultoyi tashkil etilib, respublikaning har bir hududidan 50 nafar iqtidorli, ijtimoiy himoyaga muhtoj, shu jumladan, nogironligi bo‘lgan hamda “Yoshlar daftari”ga kiritilgan o‘quvchi, talaba va yoshlar jalb qilinadi. Kitobxonlik kunlari, milliy va etnosport turlari bo‘yicha sport musobaqalari hamda madaniy-ko‘ngilochar tadbirlar tashkil etiladi.

Shuningdek, yoshlarga o‘rnak ko‘rsatadigan sportchilar va murabbiylar hamda san’at va madaniyat, ilm-fan va biznes sohalarining namoyondalari ishtirokida mahorat darslari o‘tkaziladi, ijodiy muloqotlar uyushtiriladi, yoshlar uchun biznesni tashkil qilish, hunarmandchilik mahsulotlarini tayyorlash bo‘yicha davra suhbatlari tashkil etiladi. 

Qayd etish joizki, ayni yoz pallasida, o‘quvchi va talaba yoshlarning ta’til davrida “Yoshlar turizmi oyligi” muntazam tashkil etilishi yoshlarning yozgi dam olishini mazmunli o‘tkazishga zamin bo‘ladi. Shuning barobarida ularni mamlakatimizning so‘lim manzillariga, tarixiy obidalariga sayohatlarini uyushtirishda ayni muddaodir. 

Ushbu oylik yurtimiz yoshlarini birlashtirishga hamda ularning yurt manzillari, sayyohlik maskanlari haqida keng tushuncha va boy taassurotlarga ega bo‘lishlariga xizmat qiladi. Yurtimiz go‘zalliklaridan bahramand bo‘lish, ajdodlarimiz merosi bo‘lmish tarixiy maskanlar uzra sayohat qilish o‘g‘il-qizlarimizning ona Vatanga mehr-muhabbat va sadoqat ruhida ulg‘ayishida muhim omildir. 

O‘zbekiston bo‘ylab sayohat qiling va yurtimiz betakrorligidan, boy o‘tmishi, tarixi va bugunidan bahramand bo‘ling! 

2022-yil 18-may kuni Turizm va madaniy meros vazirligi koʻmagida Toshkent viloyati Boʻstonliq tumani Chimboylik qishlogʻida joylashgan “Green Hills Resort” dam olish maskanining tantanali ochilish marosimi boʻlib oʻtdi. Mazkur loyiha Oʻzbekiston Respublikasi Prezidentining Oʻzbekistonda turizmni rivojlantirish va Toshkent viloyatining Boʻstonliq tumaniga xorijiy investorlarni jalb etish toʻgʻrisidagi qarori ijrosini taʼminlash maqsadida amalga oshirildi.

Marosimda Oʻzbekiston Respublikasi Bosh vaziri oʻrinbosari – turizm va madaniy meros vaziri Aziz Abduhakimov ishtirok etdi.

“Bugungi kunda turizm sohasiga katta eʼtibor qaratilib, yirik islohotlar amalga oshirilmoqda. Islohotlar tufayli mamlakatimizga bir qancha yangiliklar kirib kelayapti. Finlandiyaning «Homka” kompaniyasi zamonaviy texnologiyalari asosida Boʻstonliq tumanida yangi “Green hills resort” kurort zonasi ochildi. Bularning hammasi avvalambor xalqimizga va tashqi turizm asosida tashrif buyuradigan turistlarimizga xizmat koʻrsatadi. Endilikda bu yerda mahalliy aholining koʻplab vakillari oʻz ish oʻrinlariga ega boʻladi. Albatta buning hammasi hurmatli Prezidentimiz Shavkat Miromonovich janoblarining tashabuslari asosida amalga oshayapti. Ushbu loyihamiz ekologik jihatdan yuksak eʼtirofga munosib, chunki barcha kottejlar tabiatga zarar keltirmaydigan texnologiya boʻyicha qurilgan. Loyiha tashabuskorlarini yana bir bor tabriklaymiz», deb aytib oʻtdi Aziz Abduhakimov.

“Green Hills Resort” xalqaro sifat va ekologik toza standartlarga muvofiq qurilib, ham Oʻzbekiston fuqarolari, ham xorijlik sayyohlarning maroqli dam olishi uchun moʻljallangan. “Green Hills Resort” nafaqat tabiat goʻzalligi, balki oʻziga xos shifobaxsh havosi bilan hayratga soladigan soʻlim togʻ hududida joylashgan. Ushbu maskanda sport va oʻyin maydonchalari mavjud. Xususan, mini-futbol, shaxmat, arqonli maydoncha, suzish havzasi, togʻ yon-bagʻirlari va soylar boʻylab sayr qilish mumkin yunalishlar. 

“Green Hills Resort” hududida bugungi kunda 11 ta kottej mehmonlarni qabul qilishga tayyor. Kelgusida kottejlar sonini 40 taga yetkazish rejalashtirilgan.

“Green Hills Resort”ning asosiy vazifasi dam olish maskani maydonini yanada intensiv obodonlashtirish va mavjud tabiiy goʻzalligini saqlab qolishdir – bu hatto uning nomida ham aks ettirilgan. Bu harakatlarning barchasi “Yashil Makon” umummilliy loyihasi doirasida amalga oshirilmoqda. Qurilish jarayonida dam olish maskanida hududdagi barcha daraxtlar saqlanib qoldi, qoʻshimcha ravishda 800 tupdan ortiq turli navdagi daraxt koʻchatlari oʻtqazildi.

Yana shuni qoʻshimcha qilib oʻtamizki, hozirda “Green Hills Resort” dam olish maskani hududidagi barcha daraxtlarni asrab-avaylash maqsadida daraxt turi va yoshi koʻrsatilgan holda “Oʻrmon xoʻjaligi” tomonidan roʻyxatga olinmoqda. Piyodalar yoʻlaklarini yotqizishda imkon qadar ekotalablarga rioya qilindi, daraxtlar va atrof-muhitga zarar yetkazilmadi.

Mehmonlar uchun turar joy yaratishda ekologik toza talablar bajarildi. Shunday qilib, hududda joylashgan yogʻoch uylar ekologik yogʻoch uy-joy ishlab chiqarish boʻyicha dunyodagi yetakchi brendlardan biri boʻlgan Finlyandiya kompaniyasi tomonidan ishlab chiqilgan va yetkazib berilgan.

Shunday qilib “Green Hills Resort” bu yoʻnalishdagi dastlabki bosqichlardan biri boʻlib, dam olish maskanida 95 ta yangi ish oʻrni tashkil qilindi. Shundan 60 ta ish oʻrniga hududda istiqomat qiluvchi aholi, jumladan, ayollar va yoshlar olindi.  Taʼkidlash joizki, mazkur loyihalar mahalliy va xorijiy sarmoyalarni jalb etish hisobiga amalga oshirilishi rejalashtirilgan.

Сурхондарё вилояти Экология ва атроф-муҳитни муҳофаза қилиш бошқармаси Ахборот хизмати томонидан тақдим этилган фото суратларда Бойсун туманида жойлашга Бойсун ўрмон хўжалигининг табиат манзараларидан акс этган.

Oʻzbekiston CrescentRating tomonidan har yili eʼlon qilinadigan World Muslim Travel Indexʻda kuchli oʻntalikka kirdi. Bu haqda Singapurda musulmon turizm bozorini tiklash va rivojlantirishga bagʻishlangan “Halal In Travel – Global Summit 2022” sammitida maʼlum qilingan.

Qayd etilishicha, ushbu reytingni ishlab chiqishda mamlakatning sayyohlar uchun ochiqlik siyosati, musulmon turistlar uchun yaratilgan imkoniyatlar, targʻibot va marketing, islom merosini sayyohlarga yetkazish darajasi kabi qirqdan ortiq mezon hisobga olingan. CrescentRating tashkiloti rahbari Fazal Bahardin joriy yilgi koʻrsatkichlarga alohida toʻxtalib, Oʻzbekistonni reytingda eng tez koʻtarilgan va boshqalarga oʻrnak boʻlayotgan davlat sifatida tan olgan.

Maʼlumot oʻrnida, Oʻzbekistonda 1-yanvardan boshlab 35 ta restoran (tezkor ovqatlanish tarmoqlari) va 4 ta mehmonxona reyting va “Halol” sertifikatiga ega boʻlgan.

Bu yil Turkiya, Saudiya Arabistoni va Indoneziya birgalikda ikkinchi oʻrinni egalladi. Soʻnggi paytlarda turizm sohasida ham sezilarli yutuqlarga erishayotgan Oʻzbekiston oʻz reytingini yetti pogʻonaga yaxshilab, dunyoda 9-oʻrinni, IHT mamlakatlari orasida Misr, Oman, Quvayt, Marokash, Livan kabi mamlakatlarni ortda qoldirib, 6-oʻrinni egalladi. Bu MDH va Markaziy Osiyo davlatlari orasida eng yuqori oʻrindir.

Malayziya halol sayohatlar boʻyicha dunyodagi eng yaxshi yoʻnalish sifatida oʻz mavqeini saqlab qoldi. MasterCard-Crescent Rating Global Musulmon Sayohat Indexning (GMTI) 2022-yil reytingiga koʻra, mamlakat “Yilning Islom Hamkorlik Tashkilotiga aʼzo mamlakatlar orasida musulmonlar uchun doʻstona yoʻnalish” roʻyxatida yana birinchi oʻrinni egalladi. Malayziya 2015-yilda bu indeks ishga tushirilgandan beri birinchi oʻrinni egallab turibdi. Bu yil Turkiya, Saudiya Arabistoni va Indoneziya birgalikda ikkinchi oʻrinni egalladilar. GMTI musulmon sayohat bozorining umumiy koʻrsatkichlarini kuzatib boradi.

Ushbu Indeks yaqinda Singapurda boʻlib oʻtgan Halal In Travel-Global Summit 2022 davomida eʼlon qilindi. MasterCard va Crescent Rating maʼlumotlariga koʻra, pandemiyadan oldin musulmon sayohatchilar bozori 2013-yilda 108 million musulmon sayohatchi bilan kuchli oʻsishni koʻrsatgan, 2019-yilda esa 160 millionga koʻtarilgan. GMTI ning soʻnggi hisoboti shuni koʻrsatdiki, global chegaralar qayta ochilayotgan paytda bu bozor yana koʻtarilishi kutilmoqda, 2028-yilga kelib 230 million musulmon sayohat qiladi.

Malayziyada musulmon sayyohlar bozori 2019-yilda 5,3 million xalqaro tashrifga hissa qoʻshgan va 2019-yilda musulmon sayyohlari Malayziyaga tashriflari davomida 16,72 milliard RM ($4 milliard) xarajat qilgan.

Buxoro shahrida 2022 yil yakuniga qadar, umumiy ovqatlanish uchun mo‘ljallangan, 1250 o‘rinli, milliy hamda yevropacha uslubda ochiq terrasalar tashkil etilishi rejalashtirilgan.

Юртимизда ёз фасли ҳукмронлик қилаётган бўлса "Ҳисор" давлат қўриқхонаси ҳудудларида  қиш ва бахор фаслини кўришингиз мумкин. 
"Ҳисор" давлат қўриқхонаси  бўлимларида куну кеча қор ёғиш ҳолатлари кузатилди. 
"Ҳисор" давлат қўриқхонаси Ғелон бўлими манзараси.
 

O'zbekiston turizm imkoniyatlari eng yuqori sanaladigan davlatlar qatorida turadi. Buyuk  o'tmish va zamonaviylik kasb etgan inshoatlar, osori-atiqalar, ming yilliklarga dahldor ulug'vor madaniy meros ob'ektlari har qanday xorijiy sayyohni o'ziga rom eta oladi. Samarqand, Buxoro, Xiva va Shahrisabz kabi shaharlarimizda qad rostlagan tarixiy majmualarga bo'lgan qiziqish nafaqat Markaziy Osiyo, Yevropa va Okeanorti davlatlari fuqarolarini ham hayrati va yurtimizga kelishiga turtki bo'lmoqda. 

Ushbu videoda xorijlik sayyohlarning yurtimiz haqida aytgan fikrlari bayon etilgan.

Batafsil: https://t.me/mtrkuzofficial/98799

  Шўрчи туманининг 1-сектор худудида “Кушон” туризм бекати ўз фаолиятини бошлади. 
     Тадбиркор Акром Юсупов томонидан қурилган мажмуада 24 нафар ёшларнинг бандлиги таъминланган. 
 

Андижоннинг Марҳамат туманида дорбоз Юнусали ота Ғозиевнинг ажойиботларга тўла хонадони бор. Ноодатийлиги шундаки, келган меҳмонлар учун дарахтлар устида антиқа ўриндиқлар қурилган. Салқин, баҳаво манзилда шилдираб сув оқади.
Туризм ва маданий мерос вазирлиги мана шундай жойларни асраш ва қўллаб-қувватлашга алоҳида эътибор қаратади.

Yurtimiz o‘zining tabiati, tarixiy obidalari, qator turizm maskanlari bilan yuqori sayyohlik salohiyatiga ega. Shu bois, mamlakatimizda turizm, shu jumladan, ekoturizmni rivojlantirishga katta e’tibor qaratilmoqda. Turizm sohasini rivojlantirishning ustuvor yo‘nalishlarini belgilab berishga qaratilgan “Turizm to‘g‘risida”gi qonun, Prezidentimizning tegishli farmon va qarorlari qabul qilindi.

Jumladan, “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida”gi farmoni, “Xizmatlar sohasini rivojlantirishga oid qo‘shimcha chora-tadbirlar to‘g‘risida”gi qarori bilan turizm xizmatlari sohasini qo‘llab-quvvatlash uchun ko‘plab imtiyozlar berildi.

2022 yil 1 apreldan 2025 yil 1 yanvarga qadar tegishli turizm hududlarida ro‘yxatdan o‘tgan hamda ushbu hududda xizmat ko‘rsatayotgan tadbirkorlik sub’ektlari uchun aylanmadan olinadigan soliq stavkasi 1 foiz, ushbu hududlardagi ob’ektlar va ular egallagan yer uchastkasi bo‘yicha yuridik shaxslarning mol-mulkiga solinadigan soliq va yuridik shaxslardan olinadigan yer solig‘i miqdorlari mazkur soliqlar bo‘yicha hisoblangan summaning 1 foizi miqdorida belgilandi.

Amalga oshirilgan chora-tadbirlar natijasida turizmni yanada rivojlantirish, sayyohlar va dam oluvchilar uchun munosib shart-sharoitlar yaratish, turizm sohasining sub’ektlarini davlat tomonidan qo‘llab-quvvatlash tizimi yaratildi. 2022-2026 yillarga mo‘ljallangan Yangi O‘zbekistonning Taraqqiyot strategiyasi 35-maqsadida “O‘zbekiston bo‘ylab sayohat qiling” dasturi doirasida mahalliy sayyohlar sonini 12 milliondan oshirish hamda respublikaga tashrif buyuradigan xorijiy turistlar sonini 9 millionga yetkazish vazifasi belgilab qo‘yildi.

Mamlakatimizda turizm xizmatlari sohasini qo‘llab-quvvatlash bo‘yicha ko‘rilgan chora-tadbirlar natijasida 2021 yilda 1,7 million xorijiy va 7,7 million mahalliy sayyohlarga xizmat ko‘rsatilib, turizm xizmatlari eksporti 400 million dollarga yetkazildi. Shuningdek, respublika bo‘yicha jami 148 ta mehmonxona, 128 ta turistik tashkilot hamda 1 ming 15 ta oilaviy mehmon uylari tashkil qilinib, 4 ming 634 ta yangi ish o‘rinlari yaratildi.

Parlament quyi palatasidagi O‘zbekiston Ekologik partiyasi fraksiyasi hamda O‘zbekiston “Milliy tiklanish” demokratik partiyasi fraksiyasi tomonidan “Turizm to‘g‘risida”gi O‘zbekiston Respublikasi qonunining ijro etilishi hamda O‘zbekistonning turizm salohiyatini yanada oshirish, shu jumladan, ekoturizmni rivojlantirish borasida amalga oshirilayotgan ishlarning holati o‘rganilganda, sohada o‘z yechimini kutayotgan bir qator tizimli masalalar mavjudligi aniqlandi.

Shundan kelib chiqib, Oliy Majlis Qonunchilik palatasining shu yil 21 iyunda bo‘lib o‘tgan majlisida O‘zbekiston Respublikasi Bosh vazirining o‘rinbosari – turizm va madaniy meros vaziri Aziz Abduhakimovga “O‘zbekistonning turizm salohiyatini oshirish borasida amalga oshirilayotgan chora-tadbirlar, shu jumladan, ekoturizmni rivojlantirish borasida olib borilayotgan ishlar to‘g‘risida”gi parlament so‘rovi yuborildi.

Ta’kidlash joizki, parlament so‘rovi parlament nazoratining eng muhim shakllaridan biri sifatida o‘z samarasini ko‘rsatib kelmoqda. Turizm va madaniy meros vaziriga yuborilgan mazkur parlament so‘rovi ham sohadagi ishlarni baholash bilan birga, mavjud kamchilik va muammolarni bartaraf etish, yurtimizning sayyohlik salohiyatini yanada rivojlantirish, foydalanilmayotgan imkoniyatlarni ishga solishda muhim ahamiyat kasb etadi.

Ohangaron tumani Ovjazsoy qishlog‘ida turizm klasteri yaratish borasida kichkina va kamtarona, lekin buyuk ishlarga yetaklovchi davra suhbati o‘tkazildi.

Uchrashuvda Ohangaron tumani hokimi Abdurasul Abdullayev, tuman hokimining investitsiyalar bo‘yicha o‘rinbosari Gʻolib Eshmirzayev, viloyat Turizm va madaniy meros bosh boshqarmasi boshlig‘i o‘rinbosari Iskandar Xatamov, xorijiy investor “Evrol international” MCHJ bosh direktori va ta’sischisi Zoerengre Boukary Burkinabe hamda “Tog‘ o‘lkasi maskani” MCHJ xodimlari ishtirok etishdi.

Qariyb 20 ga hududga 40 million AQSH dollar investitsiya kiritilishi kutilayotgan mazkur loyihaga asosiy ulush chet ellik mehmon janob Boukary, 20 foiz qismi esa “Tog‘ o‘lkasi maskani” MCHJ tomonidan amalga oshirilishi belgilangan ushbu investitsiyaviy loyiha doirasida 40 ta ikki qavatli zamonaviy kotedjlar, suzish havzalari, sanatoriy va davolanish maskani, o‘yingohlar, do‘konlar, sport olimpiadalari uchun alohida suzish havzasi, dor yo‘li, shuningdek dor yo‘li bo‘ylab piyodalar yurishi uchun maxsus yo‘laklar, qolaversa kichkina hayvonot bog‘ini barpo etish ham loyihalashtirilgan.

Tumanning turistik salohiyatini yanada rivojlantirish uchun xizmat qiladigan ushbu investitsiyaviy loyiha bilan tanishar ekan, tuman hokimi A.Abdullayev zaruriy choralarni amalga oshirishda qo‘llab-quvvatlashini bildirdi.

– Men Shvetsariyada yashayman va biznes yuzasidan ko‘plab mamlakatlarda bo‘lganman. Bu yerning havosi hatto Shvetsariyada ham topilmaydi. U yerliklar toza havo qadrini yaxshi bilishadi. Ayrim dori-darmonlar tuzata olmaydigan ba’zi kasalliklar aynan tog‘ havosi bilan tuzalgani bois mening biznesdagi hamkorlarim mazkur loyiha ustida ish olib boshlaganimni eshitib, tezlashtirishimni so‘rashyapti. Shu sababli men nafaqat daromad topish, balki mazkur maskan o‘zining shifobaxsh havosi bilan menga qiziqish uyg‘otgani uchun turistlar oqimini tumaningizga ko‘proq jalb qilishga ham o‘z hissamni qo‘shmoqchiman, deydi xorijlik investor.

Muloqot jarayonida bo‘lajak turizm klasterining barpo etilish kelajagi xususida salmoqli vazifalarga kelishildi.

Prezidentimiz tashabbusi bilan Buxoro shahrida joriy yilning 21-24 may kunlari “Xalqaro zardo‘zlik va zargarlik” hamda “Kashtado‘zlik san’ati” xalqaro festivallari o‘tkazildi. Ushbu tadbirlarda 58 ta davlatdan 220 nafardan ortiq xorijiy mehmonlar, 38 ta davlatdan 130 nafardan ziyod xorijiy usta-hunarmandlar hamda respublikamizning barcha hududlaridan 300 nafardan ortiq mahalliy zardo‘z, kashtado‘z, zargar va hunarmandlar qatnashdi.

E’tiborli tomoni, xorijiy sayyohlar tomonidan ularning deklaratsiyalariga asoslanib aytadigan bo‘lsak, 15,6 kilogramm kumush va 4,8 kilogramm miqdorda oltindan yasalgan taqinchoqlar xarid qilingan. Bu o‘rtacha 284,5 ming AQSH dollari yoki 3,2 milliard so‘m foyda olib kelgan. Biz bejizga ushbu raqamlar bilan mulohazalarimizni boshlamadik. Sababi, ushbu festival Buxoroda servis va maishiy xizmat ko‘rsatish yo‘nalishlari imkoniyatini yana bir bor amalda namoyish qildi. 

Ma’lumot uchun, 2022 yil 1 iyun holatida jami 1 ming 256 nafar mahalliy va 42 ming 589 nafar (o‘tgan yilning mos davriga nisbatan 2,7 baravar ko‘p) xorijiy sayyohlar tashrif buyurgan. Ular uchun yaratilgan infratuzilmaning sifat jihatidan yuqori ekanligi oqimni yanada kengaytirmoqda. Davlatimiz rahbarining 2022 yil 27 yanvardagi “Xizmatlar sohasini jadal rivojlantirish chora-tadbirlari to‘g‘risida” gi qaroriga asosan umumiy qiymati 2 110,3 milliard so‘mlik 697 ta loyihani amalga oshirish belgilangan. Bu 9 ming 882 ta ish o‘rni yaratish imkonini beradi. 
Mazkur qarorga asosan joriy yilda xizmatlar hajmini 1,5 baravarga oshirish bo‘yicha aniq manzilli dastur ishlab chiqilgani ayni yo‘nalishning rivoji uchun keng yo‘l ochmoqda. Buxoro shahri iqtisodiyoti o‘sishini ta’minlaydigan asosiy drayveri ham bu – xizmat ko‘rsatish va servis sohasidir.

–Ko‘hna va boqiy Buxoroning eski shahar qismida zamonaviy servis xizmatlarini ko‘rsatuvchi maskanlar, joylar ko‘payib bormoqda, – deydi Buxoro shahridagi “Imom Buxoriy” mahalla fuqarolar yig‘ini faoli Muhsina Shoymardonova. – Necha yillar oldin Buxoroda sanoqli sayyohlarni kuzatish mumkin edi. Bugun erta tongdan kechgacha Buxoro ko‘chalarini kezsangiz guruh-guruh bo‘lib yurgan mahalliy va xorijiy sayyohlarga ko‘zingiz tushadi. Ular Buxoroning diqqatga sazovor joylarida bo‘lib, ziyoratlar qilishadi. Obidalarni tomosha qilib ma’naviy ozuqa olishadi. Mahalla fuqarolar yig‘inida faolman. Faqat nazorat qilib, tahlil qilaman. Juda ko‘p davlatlarda bo‘lganman. Havas qilardim. Bizda ham shu kunlar kelarmikan, deb. Hozir esa guvoh bo‘lib turibman. Biz ulardan ham o‘zib ketibmiz. Tinch yurtimiz, musaffo osmonimizga ko‘z tegmasin. Yaratilgan imkoniyatlardan nainki biz balki, chet elliklar ham foydalanmoqda.

Ma’lumotlarga ko‘ra, ayni vaqtda shaharda turizm yo‘nalishidagi umumiy qiymati 870 milliard so‘mlik, shundan 71,9 milliard so‘m tijorat banki krediti va 25,8 million AQSH dollari miqdoridagi xorijiy investitsiya hisobiga 33 ta mehmonxona tashkil etish va 642 ta ish o‘rni yaratish ham eng ustuvor vazifalardan sanaladi. Qolaversa, qiymati 1 trillion 56,6 milliard so‘mlik 11 ta yirik xizmat ko‘rsatish loyihalari hisobidan 6 ming 225 nafar aholining bandligi ta’minlanadi. Albatta bugun Buxoro shahrida istiqomat qilayotgan yurtdoshlarimiz mazkur ishlar natijasini o‘z hayotlarida yaqqol his qilmoqda. Bo‘layotgan o‘zgarishlar barchani birdek yaratuvchanlikka, yangi loyihalarni amaliyotga tatbiq qilishga chorlamoqda.

– Buxoroga ilk kelishim,  – deydi rossiyalik sayyoh Yuliya Babkina. – Kun davomida shahardagi diqqatga sazovor joylarni tomosha qildim. Kechki payt o‘ziga xos manzara kasb etadigan Minorai Kalon, Poyi Kalon ansambli oldidagi terassada ovqatlanib shaharni kuzatdim. Bu menga o‘zgacha zavq bag‘ishladi. Xizmat ko‘rsatish, ovqatlanish, mehmonxonalar umuman barcha-barchasi a’lo darajada. Kutganimdan ham yaxshiroq sharoitlar muhayyo qilinganiga guvoh bo‘ldim. Ko‘rganlarimni yurtimga borib targ‘ib qilaman. Hamyurtlarim ham bu maftunkor yurtni ko‘rishlari kerak. Ayniqsa, ularga Buxoroda pishiriladigan buxorocha osh haqida to‘lqinlanib gapirishim aniq. Menga buxoroliklar juda ham yoqdi.

– Yurtingizga Fransiyadan do‘stlarimiz bilan keldik, – deydi fransiyalik sayyoh Hyugo Tanel. – Bu yerdagi masjid, madrasa, tarixiy obidalar, muzeylarni tomosha qildik. Ochig‘ini aytaman. Buxoroni yaxshi ko‘rib qoldim. Bunday toza va go‘zal shaharlar dunyoda kam uchrasa kerak. Ayniqsa, odamlarning ochiq chehrasi, mehmondo‘stligi bizga juda yoqdi. Servis xizmatlar, turistlar uchun yaratilgan sharoitlardan mamnunmiz. Barchasiga gap yo‘q. Shunchaki ertaknamo shaharga tushib qolgandek o‘zimizni his qilyapmiz. 

Mahalliy aholi va xorijiy sayyohlarning madaniy hordiq olishi, shuningdek, ko‘ngilochar xizmatlardan bahramand bo‘lishini tashkil qilish orqali eski shahar qismida tashkil etilgan qulay infratuzilma hozirda xalqimizning kayfiyatiga ijobiy ta’sir ko‘rsatmoqda. O‘z-o‘zidan ushbu hududda xizmatlar soni va sifati ham yaxshilanmoqda. 

В эти дни в нашей стране находится делегация Национальной ассамблеи Республики Корея.

Сегодня члены делегации во главе с председателем Парламентской Ассоциации дружбы Национальной Ассамблеи Республики Корея «Корея - Узбекистан» Пак Кванг Оном посетили Самарканд. Здесь с членами делегации встретился Министр Туризма и культурного наследия Республики Узбекистан А.А. Абдухакимов. Южнокорейские парламентарии выразили готовность к укреплению сотрудничества в туристской и культурно-гуманитарной сферах.

Гости посетили исторические достопримечательности Самарканда, а также побывали в Международном университете туризма и культурного наследия «Шёлковый путь»

Ташкент снова примет пианиста Франсуа Шаплена

Один из лучших пианистов Франции, Франсуа Шаплен, возвращается в Ташкент с новой концертной программой французской музыки. Его единственный концерт пройдёт 9 сентября 2022 г. в 19.00 в большом концертном зале Государственной консерватории.

Пианист представит произведения самых известных французских композиторов: Дебюсси, Форе (совершенно другие произведения композиторов, звучавших под его исполнением в марте месяце) и Равель. Так же он проведёт мастер класс для студентов Государственной консерватории.

Франсуа Шаплен солирует с прославленными оркестрами, участвует в музыкальных фестивалях, в таких как Ля Рок Д’Антерон. В январе 2022 года, лейбл Aparté выпустил его новый альбом, состоящий из полных 19 вальсов Шопена. Данный альбом получил многочисленные позитивные отзывы критиков, как и другие его диски с произведениями Шумана, Шопена, Брамса, Скрябина, Дебюсси, Пуленка и других. Его запись полного собрания фортепианных сочинений Клода Дебюсси считается одной из лучших во всей истории дискографии композитора.

Singapurda joriy yil 31 may–2 iyun kunlari musulmon dunyosi turizm bozorini tiklash va rivojlantirishga bag‘ishlangan «Halal in Travel — Global Summit 2022» sammiti bo‘lib o‘tdi. Unda O‘zbekiston Respublikasi Bosh vaziri o‘rinbosari, Turizm va madaniy meros vaziri Aziz Abduhakimov onlayn formatda ishtirok etib, so‘zga chiqdi.

Turizm va madaniy meros vazirligi matbuot xizmatining xabar berishicha, «Halal in Travel Awards» global sammiti doirasida Samarqand shahri «Yilning islom merosi manzili» va «Yilning eng yaxshi rivojlanayotgan musulmon shahri» mukofoti g‘olibi bo‘lgan. Shuningdek, O‘zbekiston har yili «CrescentRating» tomonidan e’lon qilinadigan «World Muslim Travel Index» reytingida kuchli o‘ntalikka kirgan.

Ushbu reytingni ishlab chiqishda mamlakatning sayyohlar uchun ochiqlik siyosati, musulmon turistlar uchun yaratilgan imkoniyatlar, targ‘ibot va marketing, islom merosini sayyohlarga yetkazish darajasi kabi qirqdan ortiq mezon hisobga olingan. «CrescentRating» tashkiloti rahbari Fazal Bahardin bu yilgi ko‘rsatkichlarga alohida to‘xtalib, O‘zbekistonni reytingda eng tez ko‘tarilgan va boshqalarga o‘rnak bo‘layotgan davlat sifatida e’tirof etgan.

O‘zbekiston Prezidenti tomonidan turizm segmentiga, xususan, ziyorat turizmiga qaratilayotgan alohida e’tibor samarasida O‘zbekiston jahon musulmon turizmi bozorida muhim o‘rinni egallagani ta’kidlangan.

Ma’lumot o‘rnida, ushbu sammit dunyoning turli burchaklaridan turizm sohasida tajribaga ega 70 dan ortiq soha mutaxassislarini o‘zida jam qilgan. O‘zbekistonda 2022 yil 1 yanvardan boshlab 35 ta restoran (tezkor ovqatlanish tarmoqlari) va 4 ta mehmonxona «Halol» reytingi va sertifikatiga ega bo‘lgan.

Xabaringiz bor, Chiroqchi tumanidagi “Tarag‘ay” qishlog‘i – turizm qishlog‘i maqomini olgan. “Obod qishloq” davlat dasturi, shuningdek, viloyat hokimining 2022 yildan boshlab har yili aprelь oyining birinchi o‘n kunligida qishloqda “Tarag‘ay bahori” an'anaviy festivalini o‘tkazish to‘g‘risidagi qaroriga ko‘ra, shu kunlarda hududda qurilish va obodonlashtirish ishlariga tayyorgarlik ko‘rilmoqda.

Hozirda loyiha ishlari boshlangan bo‘lib, unga ko‘ra bir yil davomida o‘ziga xos tarixiy va so‘lim maskan Tarag‘ayda sayyohlar uchun qator qulayliklar yaratiladi. Jumladan, qishloqda zamonaviy stella, selfi zona, sanitariya gigiyena shahobchalari, ekologik chiqindi qutilari o‘rnatiladi. Turizm qishlog‘iga olib boruvchi 15 kilometr yo‘l ta'mirlanib, elektr energiyasi, ichimlik suvi va oqova suv hamda aloqa va axborotlashtirish tizimlari yaxshilanadi. Yangi axborot markazi tashkil qilinadi. Mehmon uylari yaratiladi.

— Shu yilning 20 iyunь kuni Tarag‘ay qishlog‘ida bo‘lib, mas'ul mutasaddilar bilan bir yil davomida amalga oshirilishi zarur bo‘lgan barcha ishlarning rejasini tuzib oldik, - deydi viloyat hokimining o‘rinbosari Akbar Eshonqulov. — Yaqin kunlarda loyihalar yakunlanib, qurilish va obodonlashtirish ishlariga kirishiladi. “Tarag‘ay” turizm qishlog‘idagi o‘zgarishlar avvalo, hudud aholisini turmush tarzini yaxshilash va albatta tarixiy obidalarga, o‘ziga xos qadriyatlarga boy bo‘lgan hududga sayyohlar oqimini yanada oshirish maqsadlarini qamrab olgan.

— 2022 yildan boshlab har yili aprelь oyining birinchi o‘n kunligida “Tarag‘ay bahori” festivalini an'anaviy o‘tkazilishi viloyatimiz turizm va madaniy hayotida juda katta voqea bo‘ladi, albatta, — deydi viloyat hokimining o‘rinbosari Azamat Avazov. — Hozirda festivalni o‘tkazish bo‘yicha ishchi guruh shakllantirilib, festivalь dasturlari tayyorlanmoqda. Festivalga nafaqat viloyatimiz, balki, butun respublikamizdan, shuningdek, xorijlik mehmonlarning ham kelishi kutilmoqda. Tadbirga tayyorgarlik ko‘rish ishlari hozirdanoq boshlangan.

Мамлакатимизда ўтказилаётган оммавий қабуллар ва очиқ мулоқотларда юртдошларимиз ўзларининг ижтимоий ҳаёти билан боғлиқ муаммоларини ўртага ташлаётган бир пайтда айрим жонкуяр фуқаролар теварак-атрофни муҳофаза қилиш, ўсимлик дунёсини асраб-авайлаб, экологик барқарорликни сақлаш каби умуммиллий масалалар ҳақида фикрлашга чорлаётгани эътиборга моликдир.

Жумладан, жорий йил 11-16 июнь кунлари Республика Ишчи гуруҳининг Сурхондарё вилоятида ўтказган оммавий сайёр қабулида Бойсун туманидаги Юқори Мачай маҳалласида яшовчи Камол Муродов Мачай ўрмон бўлими ҳудудида чорва моллари боқилиши ва тоғдаги дов-дарахтлар кесилаётганини ташвиш билан билдириб, унинг олдини олиш таклифини илгари сурган эди.

Табиат жонкуярининг мазкур мурожаатини Сурхондарё вилоят экология ва атроф-муҳитни муҳофаза қилиш бошқармаси, Миллий гвардиянинг Сурхондарё вилояти бўйича бошқармаси ходимлари Ўзбекистон Республикаси “Ўсимлик дунёсини муҳофаза қилиш ва ундан фойдаланиш тўғрисида”ги, “Ўрмон тўғрисида”ги қонунларига мувофиқ атрофлича ўрганди. Бойсун давлат ўрмон хўжалигининг Мачай ўрмон бўлимига қарашли 5-айланма 17-кварталида тегишли таҳлил ва назорат тадбирларини амалга оширди.

Маълум бўлишича, Бойсун давлат ўрмон хўжалиги ходимларининг ҳудудда ҳар йили баҳорги ва кузги тафтиш ўтказиши белгиланган. Бироқ, ўрмон хўжалигининг 5-айланма 17 кварталида мазкур иш амалга оширилмай, ўз вазифасига совуққонлик билан қаралган. Масъулият унутилган. Бунинг оқибатида ҳудудда Зарафшон арчаси, бодом, заранг каби ноёб дарахтлар ноқонуний кесилиб, тегишли рухсатномасиз майда шохли моллар тоғнинг хушманзара табиат қўйнида боқиб келинган.

Ўрганишлар чоғида мурожаатчининг ҳақ экани ва ўсимлик дунёсига йирик миқдорда зарар етказилгани аниқланди. Мутахассисларнинг амалдаги тартибга кўра ҳисоб-китоби бўйича зарар миқдори 193 миллион 200 минг сўмни ташкил этди.

Табиат фидойисининг мурожаати ҳар тарафлама ўрганилгач, тўпланган ҳужжатлар айбдорларнинг жавобгарлик масаласини ҳал этиш ва етказилган зарарни ундириш учун вилоят прокуратурасига тақдим этилди.

Холмўмин Маматрайимов, ЎзА

https://uza.uz/uz/posts/boysunlik-tabiat-zhonkuyari-osimlik-dunyosiga-tazhovuzni-sayyor-qabulda-fosh-etdi_391463

Ekologiya va atrof-muhitni muhofaza qilish davlat qoʼmitasi va Turizmni rivojlantirish qoʼmitasi tomonidan "Suvtushar" sharsharasida ziyorat turizmi va ekologik turizmni tashkil qilish uchun zarur infratuzilmani yaratish boʼyicha tayyorlangan loyiha va smeta hujjatlari asosida obʼektni qurilish ishlari boshlanmoqda.

Maʼlumki, turizm jahonning koʼplab mamlakatlari iqtisodiyoti tarkibida tez rivojlanayotgan va salmoqli oʼrinni egallaydigan tarmoqdir. 

Ekologik turizm tabiat bilan kishilarning uzviy bogʼliqligi va bevosita muloqotini rivojlantirishga, tabiatda huzur-halovat, madad quvvat, bilim, umuman ekologik iqtisodiy barqarorlik va muvozanatni saqlagan holda faol dam olishda alohida oʼrin kasb etadi. 

Аna shulardan kelib chiqib, amalga oshirilayotgan loyiha "Hisor” davlat qoʼriqxonasining qoʼriqlanma hududida barpo etilayotgan "Suvtushar" sharsharasini turistlarning eng sevimli ekoturistik maskaniga aylanishiga xizmat qiladi.

Қаерда бўлсангиз, саломат бўлинг,
Қандай бўлсангиз ҳам бўлинг илойим!
Хижронлар, армонлар, айрилиқлардан,
Асраб юрса бўлди Сизни Худойим!

Беҳос оғримасин тану-жонингиз,
Ошиқлар қолмасин изларингиздан.
Яхшилар суратин изласин мудом,
Меҳр томиб турган кўзларингиздан!

Осуда тонгларга шукрона айтиб,
Қуёш нурин ёйсин йўлларингизга!
Яратган беҳисоб куч ато этсин,
Дуолар тўкилган қўлларингизга!

Омонат дунёда омонатмиз, рост.
Гоҳо яшамоқдан сабримиз тўлди.
Кетар чоғимизда битта бўлса ҳам,
Кимдир чин юракдан йиғласа бўлди!..

https://t.me/qishloq_turizmi